О́tken juma, 3 qyrkúıek kúni vahtalyq jumysqa ketken 39 jastaǵy qaraǵandylyq joǵalyp ketti. Ol jumysyna barmaǵan. Joǵalǵan azamattyń týǵan-týystary ol sońǵy ret Qarajal qalasynan habarlasqanyn habarlaǵan. Qazirgi ýaqytta jigitti izdestirý jumystary júrip jatyr.
Ony oblystyq Polısııa departamentiniń basshysy Erlan Faızýllın jeke baqylaýyna alǵanyn Facebook-tegi paraqshasynda málimdedi.
«Iz-túzsiz joǵalǵan azamatty izdeýge ishki ister departamentiniń jeke quramy túgel jumyldyryldy. Qazirgi ýaqytta oblystyq Polısııa departamentiniń Krımınaldyq polısııa basqarmasy, Jańaarqa aýdany, Qarajal qalalyq Polısııa bólimi qyzmetkerlerinen quralǵan izdeý toptary jumys júrgizip jatyr.
Sondaı-aq azamatty izdeý jumysyna Tótenshe jaǵdaılar departamentiniń qyzmetkerlerimen eriktiler toby da jumyldyryldy. Sonymen qatar izdestirý jumysyna áýege tikushaq kóterildi. Bul baǵyttaǵy jumys baqylaýda», dep jazylǵan departament basshysynyń jeke paraqshasynda.
О́ńirdiń tanymal blogeri de Facebook paraqshasynda osy jaǵdaı týraly jazba jarııalaǵan. Onda ol joǵalǵan jigit bıyl 14 mln teńgege tender utqanyn tilge tıek etedi.
