Aldaǵy jylytý maýsymynda qandaı qaýipsizdik sharalaryn saqtaý kerek? Bul týraly onlaın brıfıngte qalalyq TJD Memlekettik órt baqylaý basqarmasynyń basshysy Erkin Otarǵalymuly málim etti.
«Birinshi kezeńde halyqtyń áleýmettik osal toptary (1792 otbasy) men jataqhanaǵa qaıta jabdyqtalǵan úıler (1328 úı) arasynda, ekinshi kezeńde saıajaı alqaptarynda (shamamen 6 myń saıajaı úıi), al úshinshi kezeńde negizgi turǵyn úı qorynda (33 myńnan astam jeke turǵyn úı) aldyn alý jumysy júrgizildi», dedi ol.
Aıtýynsha jylytý maýsymyna daıyndyqtyń túıtkildi máseleleri naqty usynystar ázirleýmen qalalyq TJ komıssııasynyń otyrysynda qaraldy. Sonymen qatar ol azamattardyń órt qaýipsizdigi negizderin bilmeýinen órttiń 80%-dan astamy oryn alatynyn jetkizdi.
Brıfıng sońynda ol aldaǵy qaýipsizdik sharalaryn túsindirip ótti:
- aldaǵy jylytý maýsymyna jylytý júıelerin jóndeý jáne daıyndaý;
- tikeleı jylytý maýsymynyń aldynda jylytý peshteri men júıeleriniń tútin qubyrlaryn, murjalaryn jáne basqa elementterin, keminde úsh aıda bir ret kúıeden tazalaý;
- elektr symdaryn tekserý, eskirgen jáne ýaqytsha shema boıynsha salynǵan elektr symdaryn aýystyrý;
- elektr jelilerin shamadan tys júktemeý, jylytý úshin qoldan jasalǵan standartty emes elektr jylytý quraldaryn PAIDALANBAÝ;
- materıaldardy, kıimderdi ot janyp turǵan peshtiń ústinde keptirmeý;
- aýlanyń aýmaǵyn qurǵaq shópten jáne janǵysh qoqystardan tazartý, kúl jınaý úshin qaýipsiz oryndy aldyn ala anyqtaý;
- balalardy úıde eresekterdiń qaraýynsyz qaldyrmaý.
«Esińizde bolsyn, órtti sóndirýden kóri onyń aldyn alǵan jeńil. О́zińizdi jáne jaqyndaryńyzdy órtten qorǵańyz, turmysta órt qaýipsizdigi erejelerin saqtańyz. О́rt kezinde 101 nómirine qońyraý shalyńyz», - dep vedomstvo basshysy sózin qorytyndylady.
