Aıtýly jarystyń alǵashqy kezeńinde Qazaqstan quramasy keremet óner kórsetip, óz tobynda birinshi oryndy oljalaǵan edi. Ásirese, biz Jansaıa Ábdimáliktiń asqan sheberligine tánti boldyq. Qytaı quramasyna qarsy básekede ol áıelder reıtınginde kósh bastap turǵan álemniń tórt dúrkin chempıony Hoý Ifange san soqtyrdy. Al Bıbisara Asaýbaeva óziniń jeti kezdesýiniń barlyǵynda jeńiske jetti.
Endi 13-qyrkúıekte bastalatyn shırek fınaldyq saıysta asa azýly amerıkalyq shahmatshylarmen kúsh synasamyz. Osy májedegi ózge básekeler Ýkraına men Úndistan, Reseı men Majarstan jáne Qytaı men Polsha quramalary arasynda ótedi. Kelesi kúni jartylaı fınaldyq oıyndar ótse, osy Olımpıadanyń jeńimpazy 15-qyrkúıekte anyqtalady.
Esterińizge sala keteıik, bul jarysta Qazaq eli namysyn Rınat Jumabaev, Denıs Mahnev, Jansaıa Ábdimálik, Dınara Sádýaqasova, Ramazan Jalmahanov jáne Bıbisara Asaýbaeva syndy sheberler qorǵaýda. Al qosalqy quramda Rýstam Hýsnýtdınov, Murtas Qajyǵaleev, Gúlishan Naqbaeva, Gúlmıra Dáýletova, Qazybek Nógerbek jáne Merýert Kamalıdenova oınaýda.
