«Biz azamattardyń memlekettik kórsetiletin qyzmetterdi alý múmkindikterin keńeıtip, prosesterdi ońaılata otyryp, olardy barynsha yńǵaıly etýge tyrysamyz. Endi jeke kásipkerlikti tirkeýdiń balamaly tásiline qoljetimdilik bar. Bul isti jańa bastaǵan bıznesmenderge ońaı tirkelý tásilin tańdaý da óte mańyzdy», dep túsindirdi «Ulttyq aqparattyq tehnologııalar» AQ basqar-
ma tóraǵasy Rostıslav Konıashkın.
Servıs maýsym aıynda testilik rejimde iske qosyldy jáne kásipkerlerge jeke kásipkerligin tirkeý ǵana emes, sonymen qatar bankte shotty tegin ashýǵa múmkindik beredi, rásim nebári bes mınýtty alady, kelesi kúni shottyń derektemeleri elektrondy poshtaǵa túsedi. Búgingi tańda kórsetiletin qyzmetti elimizde 100-den astam kásipker paıdalandy.
«Kez kelgen ónimdi nemese kór-
setiletin qyzmetti iske qospas buryn biz birqatar zertteýler júrgizip, klıenttiń naqty qajettilikterin anyqtaımyz. Búgingi tańda kásipkerler bıznestegi formaldylyqqa kóp ýaqytyn ketirgisi kelmeıdi, kerisinshe satylymdy arttyrý úshin kóp jumys isteıdi. Alfa osyndaı múmkindik usynady. Qyzmetti iske qosylǵan eki aı ishinde biz naryqta bul servıstiń úlken suranysqa ıe ekenin baıqadyq» dedi Alfa banktiń «jappaı bıznes» blogynyń basqarýshy dırektory, «Atameken» UKP Tóralqasynyń ShOB damytý jónindegi komıtetiniń múshesi Damır Kákıev.
Jeke kásipkerdi onlaın tirkeý úshin Alfa ofıs platformasynda joǵaryda aıtqan qyzmet túrin tańdap, telefon nómirin jáne sms kodyn engizý kerek, jeke kýáliktiń skanerlengen nusqasyn qosyp, usynylǵan nysandy toltyrý jáne ESQ kómegimen suraý salýǵa qol qoıý qajet.
