Joba jetekshisi, «QTJ» UK» AQ Korporatıvtik qaýipsizdik departamentiniń bas menedjeri Orynbasar Júnisbekov aqparattyq qaýipsizdikti basqarý prosesterin engizý kezindegi negizgi ózgeristerdi atap ótti. Joba komandasy osy saladaǵy halyqaralyq standarttar men úzdik tájirıbelerdi, sondaı-aq jobalyq menedjment pen ózgeristerdi basqarý ádisnamasyn qoldandy. Bul prosesterdi engizýdiń tıimdiligi men tabystylyǵynyń úlesin edáýir arttyrýǵa múmkindik berdi.
«QTJ» UK» AQ – «Samuryq-Qazyna» AQ qory tobynyń birinshi portfeldik kompanııasy oryn alǵan oqıǵa týraly aqparatty anyqtalǵan sátten bastap 15 mınýt ishinde «Memlekettik tehnıkalyq qyzmet» AQ janyndaǵy Aqparattyq qaýipsizdik ulttyq úılestirý ortalyǵyna avtomatty túrde beredi. Sonymen qatar osaldyqtar men jańartýlardy basqarý prosesi jolǵa qoıylyp, aqparattyq qaýipsizdik talaptaryna sáıkessizdikter anyqtalýda. Búginde ulttyq kompanııanyń aqparattyq resýrstaryndaǵy 3 myńnan asa qaýipti osaldyq joıyldy. Kompanııanyń baspasóz qyzmetiniń habarlaýynsha, aqparattyq qaýipsizdikti retteıtin ishki qujattardyń oryndalmaýynyń negizgi sebepteri únemi taldanady jáne joıylady. Jańa prosester men tehnologııalar boıynsha jumys isteý úshin birtindep júzege asyrylatyn nusqaýlyqtar ázirlendi. «QTJ» UK» AQ fılıaly – «Avtomattandyrý jáne sıfrlandyrý dıreksııasy» negizgi paıdalanýshylary úshin 20-dan astam trenıng ótkizildi.
– Bizdiń basty mindetimiz – qaýipsizdik óndiris pen tasymaldaý mádenıetine qosylǵany ispetti kıberqaýipsizdik týraly habardarlyqty engizý jáne ony temir jol salasy mádenıetinde ustaný, – dedi Orynbasar Júnisbekov. – Aqparattyq kúnge qatysýshylardy onda talqylanǵan máseleler qyzyqtyrdy. Temirjolshylar aqparattyq qaýipsizdik prosesterin odan ári engizý qajettiligin túsinedi.
Joba komandasy jedeldiginiń nátıjesinde atalǵan joba belgilengen merzimnen 4 aı buryn, ıaǵnı qyrkúıekte aıaqtalady.
«Egemen-aqparat»
