Atap aıtqanda, Túrki akademııasy basyp shyǵarǵan Álisher Naýaıdiń «Hamsa» jınaǵyna áıgili «Eskendir qorǵany» jáne «Láıli – Májnún» dastandary engizilgen. Kórnekti aqyn, QR Memlekettik syılyǵynyń laýreaty Nesipbek Aıtuly aýdarǵan atalǵan jyrlar ádebıetshi qaýymnyń joǵary baǵasyn alǵan, kórkemdik deńgeıi joǵary nusqalar sanalady.
Sonymen qatar, Á.Naýaıdyń «Mýhákámátýl-lýǵátáın» atty qundy eńbegi alǵash ret Túrki akademııasynyń qoldaýymen qazaq tiline tárjimelenip, translıterasııasy, faksımılesi qosa berilip otyr.
Budan bólek, akademııa Naýaıdyń túbi bir túrki tilderine aýdarylǵan tańdaýly ǵazaldaryn arnaıy jınaq retinde basyp shyǵardy.
Alqaly jıynǵa Halyqaralyq Túrki akademııasynyń prezıdenti Darhan Qydyráli, О́zbekstan Respýblıkasynyń Bilim mınıstri Sherzod Shermatov, Qazaqstan Respýblıkasynyń О́zbekstan Respýblıkasyndaǵy Tótenshe jáne О́kiletti Elshisi Darhan Satybaldy, О́zbekstan Jazýshylar odaǵynyń tóraǵasy Sırojıddın Saıııd, sonymen qatar О́zbekstan Úkimetiniń laýazymdy tulǵalary, qazaq jáne ózbek zııaly qaýym ókilderi qatysady.
