QR Memlekettik óner murajaıy dırektorynyń ǵylym jónindegi orynbasary Svetlana Kóbjanovanyń aıtýynsha, Táýelsizdik dáýiri Qazaqstannyń murajaı qoǵamdastyǵy men mádenıeti úshin jańa perspektıvalar ashty.
«30 jyldyq jemisti jumystyń qorytyndysyn shyǵara otyryp, biz ǵylymı qyzmetkerler jumysynyń barlyq aspektileriniń sózsiz jandanǵanyn aıta alamyz. Á.Qasteev atyndaǵy Memlekettik óner murajaıy óziniń 85 jyldyq qyzmeti barysynda qyzmetkerlerdiń kásipqoılyǵyn, jumys sapasy men deńgeıin arttyrý, kadrlardyń turaqtamaýyna jol bermeý jáne olardy jastar tájirıbesin tabystaý úshin saqtaý mindetin iske asyrýda. Ǵylymı qyzmetkerler óz bólimderinde qorlardy katalogtaý jáne sandyq óńdeý, týyndylardy atrıbýttaý boıynsha úlken jumys atqarady. Ǵylymı-zertteý jumysy - murajaı qyzmetiniń negizgi baǵyttarynyń biri, onyń maqsaty kolleksııadaǵy týyndylardy zertteý jáne taldaý bolyp tabylady. Aıta ketsek, 1991 jyldan bastap murajaı kolleksııasy 5003 saqtaý birligine tolyqty, bul esep sektory, saqtaý bólimi men ǵylymı qyzmetkerlerdiń birlesken tabysty jumysynyń aıǵaǵy», dedi S.Kóbjanova.
Shyǵarmalardy ǵylymı júıeleý sıpattama, tanysý, katalogtyń egjeı-tegjeıli málimetteri arqyly júzege asyrylady.
«Qyzmettiń mańyzdy nátıjesi kolleksııa katalogtaryn, ekspozısııalar men kórmeler boıynsha jolsiltemelerdi shyǵarý bolyp tabylady. Katalogtar - bul murajaıdyń zııatkerlik qundylyǵy. Bizdiń murajaıda kolleksııanyń barlyq bólimderin basyp shyǵarýǵa daıyndyq jumystary júıeli túrde júrgizilýde. 1991 jyldan bastap «Qazaqstannyń sándik-qoldanbaly óneri» mýzeı bólimi «Qazaq halyqtyq qoldanbaly óneri» (2010), «HIH-HH ǵasyrlardaǵy Qazaqstannyń zergerlik óneri» (2008) katalogtaryn shyǵardy. «Qazaqstannyń beıneleý óneri» bólimi «Ábilhan Qasteev» katalogyn (2005), «Qazaq halyq eposy» respýblıkalyq kórme-konkýrsynyń katalogyn shyǵardy. «Qazaq halqynyń tarıhy men dástúrleri» (2013), «Qazaqstan músini» (2010), «Babalar ańsaǵan Táýelsizdik» (2016), «Qazaqstannyń akvareli: keshe jáne búgin» (2019) jáne taǵy basqalar», dedi spıker.
