«Bıylǵy qańtar-tamyz aılarynda ekonomıka ósý kórsetkishi 3,0%-dy qurady. Osy esepti kezeńde negizgi trendter boıynsha naqty jáne qyzmet kórsetý sektorlaryndaǵy ósýdiń oń dınamıkasy, óndirýshi emes sektorlardaǵy ınvestısııanyń joǵary ósýi, saýda balansynyń oń saldosynyń saqtalýy baıqalýda. Osy jyldyń qańtar-tamyzynda naqty sektordaǵy ósim 3,5%-dy qurady», dedi Erǵalıev.
Ol ataǵandaı, qyzmet kórsetý salasynda iskerlik belsendilik 2,3%-ǵa deıin ósti.
«Salalar arasynda aqparat jáne baılanys, qurylys, saýda, sýmen jabdyqtaý, elektrmen jabdyqtaý, óńdeý ónerkásibi joǵary ósim kórsetýde. Sondaı-aq aýyl sharýashylyǵynda da oń ósim baıqalyp otyr. Ekonomıkalyq ósýdiń mańyzdy faktory ishki jáne syrtqy ınvestısııalardy tartý bolyp otyr. Onyń ishinde óndirýshi emes salalarda ınvestısııa tartý belsendiligi baıqalýda. Osyǵan baılanysty esepti kezeńde taý-ken óndirý ónerkásibin esepke almaǵanda, negizgi kapıtalǵa ınvestısııalardyń ósý qarqyny 18,0%-dy qurady», dedi mınıstr.
Erǵalıev salalar boıynsha ósimderdi jiktep berdi.
«Investısııa qurylys salasynda – 2,5 esege, óńdeý ónerkásibinde – 81,7%-ǵa, aýyl sharýashylyǵynda – 43,2%-ǵa, saýdada – 39,9%-ǵa, aqparat jáne baılanysta – 37%-ǵa, jyljymaıtyn múlikpen operasııalar salasynda –16,2%-ǵa jáne kólik salasynda – 9%-ǵa ósti. О́ńirler arasynda eń joǵarǵy kórsetkish Shymkent qalasynda, Aqtóbe, Soltústik Qazaqstan, Túrkistan jáne Jambyl oblystarynda baıqalyp otyr», dedi ol.
