Mınıstr málimdeýinshe, bıylǵy qańtar-shildede syrtqy saýda taýar aınalymy 53,7 mlrd AQSh dollaryn, onyń ishinde eksport boıynsha kórsetkish 32 mlrd AQSh dollaryn qurady. О́ńdelgen taýarlar eksporty 23,4% ósip, 10,4 mlrd AQSh dollaryna deıin jetti.
«О́ńdeý ónerkásibi turaqty ósý úrdisin saqtap otyr. О́ndiris kólemi 5,8%-ǵa ósti. 14 óńir boıynsha oń ósim kórsetkishi tirkeldi. Eń joǵarǵy ósim Almaty qalasynda, sondaı-aq Almaty jáne Qyzylorda oblystarynda baıqalyp otyr», dedi Áset Erǵalıev.
Al óńdeý ónerkásibi boıynsha vagondar men lokomotıvter ónidirisinde eń joǵary kórsketkish tirkelgen – 48,9%. Farmasevtıkalyq ónim óndirýde – 40,8%, mashına jasaý – 23,9%, onyń ishinde avtomobıl jasaý – 34,2%, qurylys materıaldary – 11,6%, plastmassa buıymdary – 26,5%, daıyn metall buıymdary – 18,6%, kıim – 16,3% jáne jıhaz – 16% deńgeıinde serpindi ósýdi kórsetip otyr.
«Bıylǵy jyldyń segiz aıynda oryndalǵan qurylys jumystarynyń kólemi 11,4%-ǵa ósip, qurylys sektory joǵary qarqyn kórsetýde. Kórsetkishtiń oń ósimi barlyq óńirler boıynsha tirkelgen. Qurylys-montajdaý jumystarynyń eń joǵary ósimi Aqmola jáne Túrkistan oblystarynda, sondaı-aq Almaty qalasynda baıqalady», dedi Ulttyq ekonomıka mınıstri.
