Ekspedısııa qatysýshylary buryn zerttelmegen petroglıfter men taýdaǵy jumbaq áripterdi, kóp kameraly úńgir men ejelgi metallýrgterdiń ázirlemeleriniń izderin tapty.
Jańa tarıhı oljalar esh jerde sıpattalmaǵan, olarǵa qazaqstandyq kórnekti ǵalymdar qyzyǵýshylyq tanytyp otyr.
«Bizde kóptegen qyzyqty jáne zerttelmegen oryndar barshylyq. Sondyqtan, Jezqazǵan arheologııalyq murajaıymen birlesip, Bileýti ózeni men ataqty Bulandy shaıqasy bolǵan jer arasyndaǵy aýmaqqa shaǵyn ekspedısııa uıymdastyrýdy jón kórdik. Onyń quramyna arheologtar, tarıhshylar, jolserikter, týrızm mamandary kirdi», dedi ekspedısııa jetekshisi, Jezqazǵan tarıhı-arheologııalyq murajaıynyń ǵylymı qyzmetkeri Keshýbaı Baıdildınov.
Bileýti ózeniniń mańynan saıahatshylar taý sýretteri bar jartastar men tastardy tapqan. Olar qara tastarǵa soǵylyp, búgingi kúnge deıin jaqsy saqtalǵan. Petroglıfterdiń basqa galereıasyn yntagerler Aqkıik degen jerden sur-kók tastardan tapty.
