El damýynyń katalızatory

Kadr rezervine engisi keletinder qatarynda Aqmola oblysynyń da órenderi bar. Olardyń arasynda táýelsizdiktiń qurdastary bar, olar búgingi tańda ártúrli salalarda eńbek etip, aıtarlyqtaı tabystarǵa qol jet­ki­zip, elimizdiń damýyna úles qo­sý­da.

Olardyń biri – Abylaı Baltabaev. Ol SD Entertainment prodıýserlik ortalyǵynyń negizin qalaýshy ári dırektory, TMD elderindegi TOP 100 DJ, úzdik jýrnalıst, Kokshe telearnasynyń tańǵy baǵdarlamasyn júrgizýshi. Negizgi jumysynan basqa, ol shyǵarmashylyqpen, jastardy ilgeriletýmen, sonymen qatar prodıýserlikpen jáne dıdjeılikpen aınalysady, oǵan qosa «Jańǵyrý joly» baǵdarlamasynyń jetekshisi.

Abylaı Baltabaev: «Árıne, Prezıdenttik jastar kadr rezervi álem­di jaqsy jaqqa ózgertkisi keletin, tek nátıje úshin jumys isteıtin komandanyń mańyzdy bóligi bolǵysy keletin jas, órshil jáne shyǵarmashyl adamdarǵa úlken perspektıvalar ashady. Men óz baǵymdy synap kórgim keledi jáne ózin ózi damytýǵa daıyn jas mamandarǵa sáttilik tileımin», deıdi.

«Amanat» eriktiler ortalyǵynyń jetekshisi jáne Sh.Ýálıhanov atyn­da­ǵy Kókshetaý ýnıversıtetiniń rek­torynyń orynbasary Aıjan Qusaıy­no­va da Prezıdenttik jastar kadr rezervine úmitker. Aıjannyń eki joǵary bilimi bar, eriktiler klýbynyń negizin qalaýshy retinde ol jastarǵa bilim beredi, jastarǵa jáne halyqtyń áleýmettik osal toptaryna barynsha qoldaý kórsetedi.

Aıjan Qusaıynovanyń aıtýynsha, Prezıdenttik jastar kadr rezervin qalyptastyrý elimizdiń da­mýynyń katalızatory bolýǵa jáne qazaqs­tandyqtardyń ál-aýqatyn art­tyrýǵa úles qosýǵa daıyn naǵyz maı­talmandardy irikteýge múmkindik beredi.

«Men basqalarǵa qolushymdy berý jolyn tańdadym, óıtkeni meniń kóme­gime muqtaj adamdardyń taǵdyry men úshin mańyzdy. Táýelsizdiktiń qurdasy retinde men aldymyzda ashylyp jatqan jańa múmkindikter men perspektıvalar úshin rızamyn. Bul joba elimizdiń damýynyń katalızatory bolýǵa jáne qazaqstandyqtardyń ál-aýqatyn arttyrýǵa úles qosýǵa daıyn naǵyz jaýyngerlerdi irikteýge múm­kin­dik beretinine senimdimin», deıdi A.Qusaıynova.

Prezıdenttik jastar kadr rezervi, bul – jastardyń bolashaǵyna salynatyn ınvestısııa, olardyń áleýetin barynsha tıimdi iske asyrý múmkindigi.

Jazıra TOQTAR,

Memlekettik qyzmet isteri agenttiginiń Aqmola oblysy boıynsha departamentiniń qyzmetkeri