Sońǵy kezderi jıi súrinip júrgen Zarına Dıas Lıýksembýrgte júlde qory 189 708 evrony quraıtyn WTA týrnırinde baq synaýda. Tusaýkeser kezdesýin Slovakııanyń sulýy Anna Shmıdlovaǵa qarsy ótkizgen ol 6:0, 1:6, 6:4 esebimen jeńiske jetti. Bul match 2 saǵat 11 mınýtqa sozyldy.
Ekinshi aınalymda Dıas Belında Benchıchpen kezdesedi. Qazirgi kezde álemdik reıtıngte 11-orynda turǵan 24 jastaǵy Shveısarııanyń tennısshisi bıyl Tokıoda alaýy tutanǵan Olımpııa oıyndarynyń jeńimpazy atandy. Sondaı-aq ol 2019 jyly AQSh-tyń ashyq birinshiliginiń jartylaı fınaldyq mejesine deıin jetti.
Elimizdiń ekinshi raketkasy Iýlııa Pýtınseva Slovenııanyń Portoroje qalasyndaǵy týrnırdiń alǵashqy kezeńinde fransııalyq Jaklın Krıstıandy qapy qaldyrdy – 6:4, 6:4. Endi ol ulybrıtanııalyq Ketı Býltermen sheberlik baıqasady.
