Buǵan qyzmet kórsetý sektorynda kórsetkishterdiń 50,7-ge (shildede – 51,1) jáne ónerkásipte 49,1-ge deıin (shildede – 50,5) qysqarýy áser etti. Indekstiń qyzmet kórsetý sektorynda nasharlaýy eńbekpen qamtý isiniń tómendeýine, al ónerkásipte jańa tapsyrystar men ónimniń jáne jumyspen qamtý deńgeıiniń qysqarýyna, sondaı-aq jetkizilim merzimderiniń ulǵaıýyna baılanysty boldy.
Soǵan qaramastan, jumyspen qamtý deńgeıi ulǵaıa túskendikten qurylystaǵy kórsetkish 51,9-ǵa deıin (shildede – 50,1) ósti.
Aımaqtar arasynda tamyzda 9 óńirde iskerlik belsendilik jaqsaryp, 8-inde nasharlaǵany baıqaldy. Iskerlik belsendiliktiń eń joǵary deńgeıi – Túrkistan oblysy (54,6) men Shymkent qalasynda (52,8), eń tómeni – Aqtóbe oblysynda (43,2).
2021 jyldyń tamyz aıynda respondentter elde bıznes júrgizý jaǵdaıynyń jaqsara túskenin atap ótti. Qazirgi bıznes-jaǵdaılardy baǵalaý boıynsha jaýaptar teńgerimi 1,7 (shildede – 0,5) boldy, bul jalpy Qazaqstan boıynsha karantın sharalaryn belgili bir deńgeıde jeńildetýge baılanysty. Kásiporyndar ónimge/qyzmetke degen suranysty, qarjyǵa/kredıtke jáne kommýnıkasııaǵa qoljetimdilikti oń baǵalady. Esesine, salyq júktemesi men bıznesti qorǵaý máseleleri teris baǵa aldy.
Kásiporyndardyń aldaǵy 6 aıdaǵy bıznes-jaǵdaılarǵa qatysty optımızmi nashar boldy: keleshektegi jaǵdaılardy baǵalaý 17,6 (shildede – 21,1) boldy. Nátıjesinde, ekonomıka boıynsha bıznes-ahýal ındeksi 9,5-ke deıin (shildede – 10,5) tómendedi.
2021 jyldyń tamyzynda saýaldamaǵa 462 kásiporyn qatysty: qurylysta – 67, ónerkásipte – 175, kórsetiletin qyzmette – 220.
«Egemen-aqparat»
