Joldaýda Prezıdent Q.Toqaev pandemııadan keıingi kezeńdegi ekonomıkalyq ahýalǵa nazar aýdaryp, ekonomıkalyq saıasattyń basty baǵyttary men damý tendensııasyna erekshe toqtalyp ótti.
Qazirgi qıyn jaǵdaıda densaýlyq saqtaý júıesiniń túıtkildi máselelerin júıeli túrde sheshýdiń mańyzdylyǵyna toqtaldy.
Prezıdent nazarynan sapaly bilim berý máselesi de qalmady. Onda ustazdardy qoldaý saıasaty, qashyqtan oqytý máseleleri, bilim berý júıesine bilikti mamandardy tartý, ǵylymdy damytý, qarjylandyrýdyń zamanǵa saı bolý qajettiligin naqtylap berdi.
О́ńirlik saıasattyń ereksheligi, memlekettik basqarý júıesin odan ári jetildirý, azamattardyń turmys sapasyn arttyrý mindetterin aıqyndap berdi. Sonymen qatar Memleket basshysy saıası jańǵyrý men adam quqyn qorǵaý máselesine de erekshe toqtalyp, onyń damý qarqynyna óziniń baǵasyn berdi.
Adam quqyn qorǵaý isin jetildirýge baǵyttalǵan strategııalyq baǵdarlamany odan ári júzege asyrýdyń mańyzdylyǵyn atap ótti. Joldaýdyń asa mańyzdy salasynyń biri «Ulttyń uıysýy – odan ári damýdyń basty faktory», dep atalady. Qazirgi aqparattyq jáne sandyq tehnologııa damyp, ınternet pen áleýmettik jeli ultaralyq qatynastarǵa óz yqpalyn tıgizip otyrǵan jaǵdaıda Memleket basshysynyń resmı kózqarasy men el ishinde júrgizip otyrǵan saıasaty týraly estý árbir qazaqstandyq úshin mańyzdy dep esepteımin. Basty ıdeıa – qoǵamnyń bir ult bolyp uıysa bilýi, ózara syılastyq pen tatýlyq, etnosaralyq qatynastardyń úılesimdi damýyn qamtamasyz etý. Bul – elimizde júrgizilip kele jatqan ulttyq saıasattyń basty qaǵıdalary.
Táýelsizdikti baıandy etýdiń, eldiń tutastyǵy men birligin qamtamasyz etýdiń basty negizi ekenin Memleket basshysy Q.Toqaev qazaqstandyqtardyń esine taǵy bir salyp ótti. Sondyqtan da alaýyzdyq pen radıkaldyq sıpattaǵy kózqarastardyń aldyn alyp, olarǵa quqyqtyq turǵydan baǵa berýdiń mańyzdylyǵyn eskertti.
Adamdy tiline, ultyna, násiline qarap kemsitýge, bireýdiń namysyna tııýge jol bermeımiz, zań boıynsha jaýapqa tartamyz degen oıyn qazaqstandyqtarǵa jetkize bildi. Bul – bekerge aıtylǵan sóz emes. Mundaı ustanymdy qazaqstandyqtardyń basym kópshiligi qoldaıtynyn da jetkizdi.
Osy jolda el aǵalaryna, zııaly qaýym ókilderine de úlken senim artyp otyrǵanyn aıta ketken jón. Adasqanǵa jón siltep, jastarǵa baǵyt-baǵdar berý, biraýyz sózben tentegin tyıyp, tektisin tórge ozdyrý tatýlyq pen kelisim kepili ekendigin de eske saldy. Qazaqstan halqy Assambleıasynyń bul saladaǵy róli erekshe ekendigin de eskertti.
Tóleýǵalı QAIYRJANULY,
QHA ǴSK múshesi, fılosofııa ǵylymdarynyń doktory, professor
