BIZDIŃ EŃ ASYL QAZYNAMYZ – YNTYMAQ PEN BIRLIK

1 mamyr kúni Astana aspany bulyń­ǵyr­laý bolǵanymen, birligi jarasqan qa­zaq­standyqtardyń kóńili shat, júzderi ba­rynsha jarqyn boldy. Qazaqstan halqy­nyń birligi merekesine arnalǵan salta­nat­ty sharalar qalanyń birneshe jerinde uıymdastyrylsa, sonyń ishindegi eń basty sahna Astana qalasynyń ákimdigi aldyn­daǵy eski alańda quryldy. Mundaǵy ásem be­zendirilgen sahnada Astana qalasy fı­larmonııasynyń halyq aspaptar orkestri tańerteńnen beri tóńirekti tógilgen án men kúmbirlegen kúıge bólep, kóńilderdi kók aspanǵa kótererdeı etip turdy. Saǵat týra 11.00-de eski alańdaǵy sah­na­ǵa Elbasy Nursultan Nazarbaev kóte­rilip, barsha qazaqstandyqtardy Qazaqstan halqynyń birligi merekesimen quttyqtady. Bul kún –halqymyzdy etene jaqyn­das­ty­ra túsetin taǵylymdy mereke. Búgingi kúni ıgi dástúrge aınalǵan bul mereke – “Altyn besik” dep ataldy. Halqymyzda týǵan jer – altyn besik degen sóz bar. Bar­shamyzdyń ortaq Otanymyz – Táýel­siz Qazaqstan – bizdiń birligimizdiń altyn besigi. Qashanda bereke bastaýy birlik bolǵan. Qazaqstannyń búgingi qaryshtap damyp otyrǵany – elimizdegi júregi bir, tilegi ortaq túrli etnos ókilderiniń ja­ra­sym­dy ómir súrýiniń arqasy. Táýel­siz­di­gimizdi tuǵyrly etetin de, elimizdi jańa be­lesterge jeteleıtin de bizdiń aýyzbir­shi­ligimiz bolyp tabylady. Birligi berekeli, tirligi merekeli, yntymaǵy jarasqan eldiń ǵana yrysy artyq. Sondyqtan bizdiń eń asyl qazynamyz – eldiń yntymaq, birligi, dedi óziniń sózinde Memleket basshysy. Nursultan Ábishuly kelesi kezekte qazaq biraýyzdy bolyp, birligi jarasqanda almaǵan belesi, jeńbegen jaýy bolmaǵan­dyǵyn atap kórsetti. Táýelsizdik alǵan jyl­dary Qazaqstan damýdyń durys jolyn tańdap, parasatty saıasat júrgizdi. Osy isterdiń durystyǵyn tóńiregimizdegi oqıǵalar taǵy bir ret dáleldeı túsip otyr. Tynyshsyz, turaqsyz elge eshkim de senbeıdi. Ondaı jerge baq ta qonbaıdy, yrys tek yntymaǵy jarasqan elde ǵana bolady. Osy oraıda Elbasy irgemizdegi aǵaı­yn eldi mysalǵa keltirip, onda oq aty­lyp, qan tógilip, bir ult ekige jarylyp, azamat soǵysy tutanýǵa jaqyn turǵanyn atady. Osynyń bári, túptep kelgende, be­rekesizdikten, memlekettik dástúr men el­dik mádenıettiń kemdiginen dep bilý qajet. Biz Táýelsizdik alǵan 19 jyldyń ishinde irgesi bekem, tórt qubylasy saı memleket ornatyp qana qoımaı, sonymen qatar, úzilip qalǵan memlekettik dástúr­ler­di jalǵastyryp, eldik mádenıet degen uǵymdardy qaıta jańǵyrttyq, dedi Pre­zıdent sózin sabaqtaı kelip. Biz jasampaz Qazaqstanmen birge júregi men tilegi bir qazaqstandyqtardy qalyptastyrdyq. Bere­ke men birligi jarasqan Qazaqstannyń izgi bastamalary búgingi kúni barsha álemge ónege bolyp otyr. Qazaqstan bıyl 56 mem­leketti biriktirgen bedeli joǵary EQYU, al kelesi jyly 50 shaqty mem­leketti biriktiretin IKU-ǵa tóraǵalyq ete­tin bolady. Bul – dúnıe júziniń jar­ty­synan astamyn alyp jatqan aýqymdy aýmaq. Bizdiń el úshin bul – úlken abyroı, baqyt. Bul – bizdiń shyǵystyq dástúrler men batystyq qundylyqtardy sheber úılestirip, jymdastyra bilgen sútteı uıyǵan birligimizdiń aıqyn kórinisi. Árıne, bul isterde memleket quraýshy halyq retindegi qazaq halqynyń úlesi úlken. Qashanda janynan aryn bıik qoıǵan halqymyz tektiliktiń úlgisin kórsetip, tóńiregindegi barlyq ulttar men ulystardy uıystyryp otyr. “Adamzattyń bárin súı baýyrym dep” aıtqan uly Abaı sózine súıengen qazaq halqy násiline, ultyna, dinine qaramaı, bárin de qushaǵyna alalamaı basyp keledi. Kezinde taǵdyrdyń túrli tálkegimen kelgen ózge ult ókilderi osy jeruıyq ólkeden óz baqytyn tapty. Elbasy elimizdegi etnos ókilderiniń ba­syn biriktiretin qutty shańyraq – Qazaq­stan halqy Assambleıasynyń qurylǵanyna bıyl 15 jyl tolatynyn da qanaǵatpen atap ótti. Osy ýaqyt aralyǵynda bul qo­ǵam­dyq ınstıtýt óziniń ómirsheńdigin dá­leldep berdi, dedi Prezıdent sóziniń so­ńynda. Bizdegi ultaralyq jáne dinaralyq tatýlyqtyń jarqyn sımvoly Beıbitshilik jáne kelisim saraıy bolyp otyr. Álemdik jáne dástúrli dinder lıderleriniń sezi ótetin bul ǵımaratty, sol arqyly Astana­ny qazir búkil álem biledi. Mundaı erekshe jıyn tek yntymaǵy men birligi jarasqan bizdiń elde ǵana iske asý ústinde. El birligi degen qasıetti uǵym táýelsizdikti nyǵaıtý, tutastyqty saqtaý, ultty uıystyrý, mem­le­ketti órkendetý degendi bildiredi. Ár­daıym osy birligimizden aıyrylmaı, tatý­lyǵymyzdan tanbaı, jubymyzdy jazbaı, bolashaqqa birge qadam basa bereıik, aǵaıyn! Prezıdenttiń sózinen keıin “Dostyq­pen órnektelgen kilem” atty mýzykaly-horeografııalyq qoıylym kórsetildi. Onda “Saltanat” memlekettik bı teatry, “Shal­qyma” bı ansambli, túrli etnos­tar­dyń “Terra”, “Dıllıjans”, “Bahor” jáne t.b. óner ujymdarynyń 150-deı óner­paz­dary myń burala bılep, sahna saltanatyn asyra tústi. Túrli ulttyq kıimder kıgen olar myńdaǵan astanalyqtar men qala qo­naqtarynyń aldynda Qazaqstan halqynyń baı mádenıetin jarqyratyp kórsetip qana qoımaı, elimizdegi jarasymdy dostyqty pash etti. Munda keń dalasynda erkin kósilgen qazaqtyń keń tolqyndy adýyndy, jáıli mýzykamen jaıqala qozǵalatyn koreı, jaımashýaq dúngen, qyzýqandy orystar men kavkazdyqtardyń, syrnaı únimen úndesip, sekire tolqytqan nemister men belarýstardyń bıleri – bár-bári qosylyp jatty. Odan ári Qaırat Baıbosynov “Ǵazız­diń ánin”, Nurjamal Úsenbaeva “Arys ja­ǵa­syndany”, Andreı Prıgýbenko ýkraın­nyń “Pıdmanýlasyn”, Qaraqat Ábildına “Ulytaýdy”, Roza Rymbaeva “Qyzylqumda aýylymdy” jáne t.b. shyrqap, ashyq aspan astyndaǵy jarqyn merekeni qulpyrta tústi. Osy kúni, joǵaryda aıtyp ketkenimiz­deı elordanyń ózge alańdarynda da, atap aıtqanda, Qarjy mınıstrliginiń aldynda, Mahambet atyndaǵy Oqýshylar saraıy mańynda, Otan qorǵaýshylar monýmentiniń janynda jáne astanalyq saıabaqta me­re­kelik konsertter men kópshilik serýenderi boldy. Al ortalyqtaǵy “Esil” qonaq úıiniń janyndaǵy jazǵy alańqaıda Qazaqstan halqy Assambleıasy men halyqaralyq “DA” tuǵyrnamasynyń uıymdastyrýymen ejelgi shyǵys as máziri – “ashýra taǵa­myn” ázirleý rásimi ótti. Bul sharaǵa Qa­zaq­stan halqy Assambleıasy Tóraǵasynyń orynbasarlary E.Toǵjanov, A.Dederer, Iý.Zaharov jáne basqalar qatysty. Jaqsybaı SAMRAT.