2019 jyly alaıaq mobıldi qosymshalardyń birinde toptyq chat quryp, onyń kómegimen qoldanystaǵy ınvestısııalyq baǵdarlama týraly jalǵan aqparat tarata bastady. Zııankes salynǵan somaǵa baılanysty eki ese mólsherde paıda alý maqsatynda aqsha qarajatyn belgili bir bırjaǵa ınvestısııalaý qajet dep sendirdi.
Eki jyl boıy Qaraǵandy oblysy polısııa departamenti Tergeý basqarmasynyń tergeýshileri kúdikti kinásiniń bultartpas dálelderin jınaqtady.
«О́ziniń týystary men tanystarynyń bank kartochkalaryn paıdalana otyryp, er adam qolma-qol aqshasyz aqsha aýdarý arqyly azamattardan salymdardy qabyldaı bastaǵan. 2019 jylǵy 27 qazanda atalǵan fakti boıynsha SDTBT-ǵa QR QK 217-baby boıynsha qylmystyq is tirkeldi. Tergeý barysynda 67 jábirlenýshi anyqtaldy. Olarǵa 51 mln 435 myń teńge kóleminde jalpy shyǵyn keltirilgen. Sot úkim shyǵardy, oǵan sáıkes qarjy pıramıdasyn qurýshy bes jylǵa bas bostandyǵynan aıyryldy», dep habarlady Qaraǵandy oblysy PD bastyǵy Erlan Faızýllın.
