«Jyl basynan beri elimizde 7 515 órt jaǵdaıy tirkelip, tilsiz jaýdan 1 018 adam qutqaryldy. О́kinishke qaraı 251 adam qaıtys boldy. Sonymen qosa 217 adam túrli dárejedegi kúıik aldy jáne ýlanyp qaldy. О́tken jylmen salystyrǵanda jalpy órt sany 7% - ǵa tómendegen, biraq onyń saldarynan adamnyń qaza tabýy 20% -ǵa, al jaraqat alý 18% -ǵa ósip otyr. О́rt jıi oryn alatyn ol turǵyn úı sektory, bıyl 4 300-den astam órt boldy, bul elimiz boıynsha órt jaǵdaıynyń 58%-yn quraıdy», dedi E. Tóregeldıev OKQ-de ótken baspasóz máslıhatynda.
Sondaı-aq TJM ókili órt qaýipsizdigi baǵytynda atqarylǵan jumys nátıjesine toqtalyp ótti.
«Sońǵy 2 jylda atqarylǵan jumystar áleýmettik osal toptqa jatatyn azamattardyń úılerinde oryn alatyn órt sanynyń aıtarlyqtaı tómendegenin kórsetti. Statıstıkaǵa súıensek, 18 paıyzǵa deıin tómendegen. Máselen, 2019-2020 jyldardaǵy jylý berý maýsymynda atalǵan sanattaǵy úılerde 354 órt bolsa, 2020-2021 jylǵy jylý berý kezeńinde barlyǵy 19 órt jaǵdaıy tirkelgen. Sonymen qatar turǵyn úı sektorynda adamdardyń gazdan nemese tútinnen ýlaný kórsetkishi de 28 paıyzǵa azaıǵany baıqalady», deıdi ol.
