Qazaqstan Respýblıkasy Prezıdentiniń halyqaralyq yntymaqtastyq jónindegi arnaýly ókili Erjan Qazyhan Qazaqstanǵa alǵash ret saparmen kelgen EQYU-nyń BAQ bostandyǵy jónindegi ókili Tereza Rıbeıromen kezdesý ótkizdi.
Kezdesý barysynda Arnaýly ókil Memleket basshysynyń bastamasy boıynsha saıası jáne áleýmettik-ekonomıkalyq salada júrgizilip jatqan reformalar men eldiń turaqty damýynyń basymdyqtary týraly aıtty.
Tereza Rıbeıro Prezıdent Qasym-Jomart Toqaevtyń BAQ bostandyǵy, azamattyq qoǵamdy qoldaý, sot reformasy, áıelder men múgedekterdiń quqyqtaryn ilgeriletý jónindegi júrgizip jatqan saıasatyn joǵary baǵalady.
Qazaqstan men EQYU arasyndaǵy seriktestik qatynastar jaqsy damyp keledi, sondaı-aq, saıası, ekonomıkalyq jáne gýmanıtarlyq salalar boıynsha yntymaqtastyqtyń jańa baǵyttary qalyptasýda.
