Is-sharaǵa Mańǵystaý oblysynyń ákimi N.Noǵaev, Aqparat jáne qoǵamdyq damý mınıstrliginiń ókilderi, oblystyń cheshen-ıngýsh, armıan, ázerbaıjan, tatar, nemis, ýkraın, rýmyn-moldavan, belorýs, koreı, evreı etnomádenı birlestikteriniń basshylary qatysty.
Kezdesý barysynda etnomádenı birlestikterdiń qyzmetine jáne QHA-nyń etnosaralyq kelisim men jalpyulttyq birlikti nyǵaıtý jónindegi jumys josparlaryna qatysty aǵymdaǵy máseleler talqylandy.
Atap aıtqanda, etnomádenı birlestikterdiń qyzmetine jobalyq tásilderdi engizý, memlekettik tildi ilgeriletý, qaıyrymdylyq jáne volonterlik jumys, QHA jastar qozǵalysyn damytý jáne t.b. máseleler qaraldy.
Kezdesý sońynda M.Ázilhanov etnomádenı birlestikterdiń jekelegen ókilderine alǵys hattar tapsyryp, olarǵa qoǵamdaǵy tatýlyqty, dostyq pen kelisimdi nyǵaıtýdaǵy jumystary úshin alǵys aıtty.
«Egemen-aqparat»
