KÁSIPKERLERGE MÚMKINDIK KEŃ

О́zgerister kóz aldymyzda ǵoı. Keıde keıbir qubylystar eriksiz tańdandyrmaı qoımaıdy. Máselen, keshe kásipkerlikke talpyný qandaı edi, búgin qandaı. Aıyrmashylyǵy jer men kókteı bolyp ketkendigi baı­qalmaı qalmaıdy. Memleket ta­rapynan shaǵyn jáne orta bıznesti qol­daýdy odan saıyn keńeıtýge basa kóńil bólinýi bul býynda ja­ńarý-jańǵyrýlar jalǵasy tolassyz bola túspektigin kórsetedi. Nor­matıvtik-quqyqtyq bazany qa­lyptastyrý, bıznesti tekserýge bir­neshe márte moratorıı jarı­ıa­laný, nesıelendirilýge qomaqty qarjy bóliný, salyqtyq júkteme tómen­detilý baǵytyndaǵy sharalar óndiristi óńirde de osynaý qoz­ǵalystyń qanat jaıýyna qolaıly múmkindikter týǵyzyp jatyr. Qaraǵandyda ótken oblys kásipkerleriniń kezekti forýmynda, mine, osyndaı jaılarǵa qup­taý­shylyq bildirilýmen birge, bıznestiń tolǵaqty máseleleri áńgime ózegine aınaldy. Aımaq basshysy Serik Ahmetov oǵan qatysýshylar al­dynda kásipkerlik qyzmettiń sońǵy jyl­dar­da ekonomıkanyń naqty sek­to­ryn­daǵy orny salmaqtana tús­kenin ataı kelip, ýaqyt tala­byna baı­lanysty jańa mindetterdi sarapqa saldy. Qazir óńirdegi shaǵyn jáne orta bıznestiń 41 myńnan astam sýbektilerinde 173 myń adam eńbek etedi. Bul — atalǵan salaǵa ekono­mı­kalyq jaǵynan belsendi tur­ǵyn­dardyń 20 paıyzy qamtylyp otyr degen sóz. Ásirese, bertindegi jyldardan beri isker toptardyń ón­diristi de ıgere bastaýy umty­lystyń qandaılyq deńgeıge kóterilgenin tanytarlyq jáıt. Munyń ózi kásipkerlikti qarjylaı qoldaýdyń arqasy. Keıingi eki jylda berilgen 30 mlrd. teńge nesıe arqyly kóptegen kásipker isterin shıratyp áketti. Buǵan qosa “Damý-Aımaqtar”, “Damý-О́ndiris” jáne “Damý-Qoldaý” baǵdar­la­ma­lary aıasynda olarǵa iri jobalardy iske asyrý úshin 6 mlrd. teńge bólinýi erkin qımylǵa jol ashty. Jalpy alǵanda óńirlik bı­znestiń damýyna múmkindik keńeıip keledi. Bul rette aldaǵy bes jylǵa arnalǵan údemeli ındýstrııalyq-ınnovasııalyq damý baǵdarlamasy boıynsha oblysta 76 mlrd. teńgeni quraǵan 18 jobany iske asyrý soǵan úlken serpin bermek. Sonyń ishinde máshıne jasaý salasynyń qaıta jańǵyrtylýy kásipkerlerdi bel­sendilikti kúsheıtýge tartady. Osy oraıda ónerkásiptik kompanııalar tó­ńireginde shaǵyn jáne orta bıznes kásiporyndaryn qurýdy ulǵaıtýǵa “Bıznestiń jol kartasy—2020” baǵdarlamasyn atqarýǵa, qazaqstandyq úlesti arttyrýǵa qatysty máseleler jan-jaqty talqylandy. “Arselor Mıttal Temirtaý” kompanııasynyń 55 mıl­lıon dollarǵa jáne “Qazaqmys” korporasııasynyń 5,5 mlrd. teńgege oblys kásiporyndaryna tapsy­rystar berýi úlken jaýapkershilik. Ony tolyq ıgerý senimdi árip­testikti qalyptastyrady. Sondyq­tan talap bıik bolýy kerektigi basa ataldy. Forýmda “Samuryq-Qazyna” UÁQ” AQ-tyń qarjy ınstıtýt­taryn jáne damý ınstıtýttaryn basqarý jónindegi dırektory Baqytjan Sarkeev málim etkendeı, qordyń qatysýymen oblysta 3 joba iske asyrylýda. Ol óz sózinde shıkizattyq emes sektordaǵy IJО́ ósimin arttyrý arqyly ekono­mı­kany ártaraptandyrýǵa jáne mo­dernızasııalaýǵa yqpal etý ba­ǵytynda júrgizilip jatqan is-sharalardy jan-jaqty baıandap berdi. “Qazaqstannyń damý banki”, “Damý” kásipkerlikti damytý qory” AQ basqarmalary tóraǵalary Ǵalı Esqalıev, Bolat Muqyshev kásip­kerlerge qoldaý jasaýǵa baǵyt­talǵan sharalardy ortaǵa saldy. Forýmǵa qatysýshylar “In­dýstrııalyq-ınnovasııalyq damý”, “Qazaqstandyq úles”, “Bıznestiń jol kartasy – 2020 kásipkerlikti damytý joldary”, “Kedendik odaq – ekonomıkalyq damýdyń quraly”, “Energııamen qamtamasyz etý jáne energııany únemdeý”, “Ákimshilik kedergilerdi tómendetý” seksııalary jumysynda pikir almasyp, ózderin tolǵandyrǵan máseleler mánine qanyqty. Aıqyn NESIPBAI. QARAǴANDY.