«Koronavırýsqa qarsy kúres kún tártibimizdegi ózekti taqyryptardyń biri bolyp qala beredi. Pandemııanyń eń qıyn kezeńinde ShYU boıynsha áriptester ózara gýmanıtarlyq kómek kórsete otyryp, shyn máninde Shanhaı yntymaqtastyq rýhyn kórsetti. Pandemııaǵa qarsy kúreste túbegeıli ózgeris halyqty jappaı ımmýndaýǵa kelisilgen tásil bolǵan jaǵdaıda ǵana múmkin. Sondyqtan, BUU termınologııasyn qoldana otyryp, eshkimdi artta qaldyra almaımyz. Bul máselede Qazaqstannyń usynary bar», dedi Toqaev Shanhaı yntymaqtastyq uıymy memleket basshylary keńesiniń sammıtinde.
Onyń aıtýynsha, koronavırýsqa qarsy QazVac vaksınasy tekserýden ótkennen keıin, gýmanıtarlyq kómek retinde kórshi elderge jetkizilgen.
«Klınıkalyq zertteýler onyń tıimdiligin dáleldedi jáne dári-dármekti gýmanıtarlyq kómek retinde kórshi elderge jetkize bastadyq. Taǵy eki qazaqstandyq preparat: NARUVAX C-19 jáne NARUVAX C-19/nano COVID-19-ǵa qarsy vaksına-úmitker retinde DDSU tizilimine engizildi.
ShYU memleketterinde vaksınasııa pasporttaryn ózara taný rásimin jedeldetý, olardyń kópjaqty júıelerge ıntegrasııalanýy elderimiz tap bolǵan qıyndyqtar men syn-tegeýrinderdi eńserýge yqpal etetinine senimdimin», dedi Qasym-Jomart Toqaev.
