Aral Úkimetiniń málimetteri boıynsha, bılik turǵyndar men maldy jaqyn mańdaǵy aýyldardan evakýasııalaı bastady, olar az qonystanǵan Kabesa-de-Vaka, El Paso men Los-Llanos-de-Arıdan aımaǵynda.
Kanar Prezıdenti Angel Vıktor Torres jeksenbi kúni keshke ótken baspasóz máslıhatynda 5000 adam evakýasııalanǵanyn aıtty. Zardap shekkender týraly habarlamalar túsken joq.
«Lava jaǵaǵa qaraı bet aldy jáne shyǵyn aıtarlyqtaı bolady. Sarapshylardyń pikirinshe, shamamen 17-20 mıllıon tekshe metr lava bar», dedi ol.
Ispanııa Premer-Mınıstri Pedro Sanches jeksenbide keshke Palma aralyna keldi. Ispan geografııalyq ınstıtýtynyń výlkanologııa doktory Stavros Meletlıdıs atqylaý nátıjesinde taýdyń baýraıynda bes jaryq paıda bolǵanyn jáne onyń qansha ýaqytqa sozylatyndyǵyn aıta almaıtyndyǵyn aıtty.
О́tken aptada janartaý ornalasqan Kýmbre Veha tabıǵı saıabaǵynda 22000-nan astam jer asty dúmpýleri tirkeldi. Bul Kanar araldarynyń eń belsendi janartaý aımaqtarynyń biri. Sońǵy aýqymdy atqylaý 1971 jyly boldy. Nátıjesinde, bir adam qaıtys boldy. Ispanııanyń ulttyq geografııalyq ınstıtýtynyń (ING) málimetteri boıynsha, Palma aralynda eń alǵashqy atqylaý 1430 jyly bolǵan.
