Baǵdarlamalar • 20 Qyrkúıek, 2021

«Elorda jastary» turǵyn úı baǵdarlamasy qashan bastalady?

710 ret kórsetildi

«Elorda jastary» turǵyn úı baǵdarlamasy qashan bastalatyny belgili boldy, dep jazady Egemen.kz.

Nur-Sultan qalasy ákimdigi «Astana jastary» jastar resýrstyq ortalyǵy basshysynyń orynbasary Aıan Ermentaev kóktemde bastalýy tıis «Elorda jastary» baǵdarlamasy ne sebepti keshiktirilip jatqanyn aıtty.

«Naýryzdan bastalmaýyna sebep bar. Jumysshy jastarǵa beriletin satyp alý quqyǵynsyz beriletin jaldamaly pátermen birge iske qosqymyz kelip otyr. Osy rette jastar úshin osy eki baǵdarlamany qatar iske qosqymyz keledi», dedi ol.

Aıta keteıik, atalǵan baǵdarlamaǵa 35 jasqa deıingi elordalyq jas azamat qatysa alady. Onyń Nur-Sultanda bir jyldan kem emes turǵylyqty mekenjaıy bolýy kerek.

«Baǵdarlama baldyq júıe arqyly esepteledi. Máselen, aldymen azamat ótinish beredi. Sońǵy bir jyl kóleminde «propıskasy» bolýy kerek. Aılyǵy belgili bir somadan asyp ketpeýi kerek. Osy jyldyń sońyna deıin baǵdarlama boıynsha jastardyń ótinishin qabyldaý bastalady. Shamamen qazan-qarasha aılarynda», dep jaýap berdi Aıan Ermentaev.

Úıdiń baǵasy 13 mln somadan bastalady.

Naqty qansha úı beriletini áli naqty emes.

Qujat qabyldaý zhilfond.kz saıty arqyly júrgiziledi.

Negizgi sharttary:

  • 5%-dyq mólsherleme;
  • Alǵashqy jarna 10%;
  • Nesıeniń merzimi 25 jylǵa deıin.

Bul baǵdarlama boıynsha densaýlyq saqtaý, bilim berý, mádenıet jáne sport, BAQ, áleýmettik sala ókilderin qoldaý qarastyrylǵan.

Sońǵy jańalyqtar

Uqsas jańalyqtar