Ekonomıka • 21 Qyrkúıek, 2021

Klıenttiń qaltasyna túsken...

25 ret kórsetildi

Qazaqstandyq bankter belgilegen lımıtten joǵary kólemde klıentter aqshasyn esepten shyǵaryp otyrǵan. Bas prokýratýra bankterdiń azamattardan olardyń nesıeleri men qaryzdary boıynsha artyq aqsha qarajatyn ustap qalý faktilerin anyqtapty.

Eńbek kodeksi men «Qazaqstan Res­pýblıkasynda zeınetaqymen qam­syzdandyrý týraly» zańda tıe­sili jalaqy men zeınetaqy soma­synyń 50 paıyzynan astamyn ón­dirip alýǵa tyıym salynǵan. Alaıda bankter azamattardyń shot­ta­ryndaǵy aqshalaı qarajat­ta­ryn bekitilgen tyıymnan joǵary kó­lem­de esepten shyǵarǵan. Bul rette, Bas prokýratýranyń baspasóz qyzmeti – Kaspi Bank, «Eýrazııalyq bank», Halyk Bank, «Hoým Kredıt end Fınans Bank» AQ bankterin ataıdy.

«Mysaly, Kaspi Bank О́skemen qalasy turǵynynyń eńbekaqy alýǵa arnalǵan banktik shoty boıynsha «Qazaqstan Halyq Banki» AQ-ǵa tólem talabyn qoıǵan. Osy talap túskenge deıin jumys berýshi alıment tólemderi úshin eńbekaqynyń jartysyn ustaǵan bolatyn. Sonyń saldarynan barlyq ustalǵan somalardan keıin onyń esep aıyrysý shotynda nebári 16 myń teńge (25 paıyz) qalǵan. Sot sheshimimen talapkerdiń paıdasyna artyq ustalǵan soma óndirilip alyndy, biraq ol úshin sot daýlaryna 9 aı ýaqyt ketti», dep habarlady baspasóz qyzmeti.

Osyǵan uqsas faktiler Aqtóbe, Qaraǵandy, Jambyl, Qostanaı jáne Soltústik Qazaqstan oblystarynda anyq­talǵan. Bas prokýratýranyń de­regine sáıkes bul problema bank­t­er­diń aqshalaı qarajattyń bank­tik shotqa túskenge deıin júr­gi­zilgen atqarýshylyq is júrgizý boıynsha ustaýlardan habardar bolmaýynyń saldarynan týyndap jatyr.

Árıne, mundaı jaǵdaı qarapaıym halyqtyń narazylyǵyn týyndatady. Qarjy naryǵyn retteý jáne damytý agenttigi atalǵan problemany kelesi sharalardy qabyldaý arqyly sheshken. Klıenttiń óti­ni­shi negizinde bankterdiń jáne sot oryndaýshylarynyń artyq tó­lengen somany 5 jumys kúni ishin­de qaıtarý algorıtmi qoldanysqa en­gizildi, Qazaqstan bankteriniń bazasy atqarýshylyq is júrgizý organdarynyń avtomattandyrylǵan aqparattyq júıesimen ıntegrasııalandy.

Agenttiktiń pikirinshe, bul bank­­ter­ge barlyq kredıtordyń eń­bekaqy nemese zeınetaqydan jal­py ustalynǵan somalardyń zańda belgilengen 50 paıyzdan aspaýy úshin olardyń klıentinen qandaı shegerimder jasalǵanyn kórýge múmkindik beredi. Qandaı da bir zańsyz óndirip alý faktileri oryn alǵan jaǵdaıda azamattar Qarjy naryǵyn retteý jáne damytý agenttigine, onyń aýmaqtyq bólimshelerine nemese prokýratýraǵa shaǵymmen júginýge quqyly.

 

Sońǵy jańalyqtar

Bıyl Almatyda myń jas baspanaly bolady

Aımaqtar • Búgin, 17:44

AQSh-ta shirkeýge shabýyl jasaldy

Oqıǵa • Búgin, 17:15

Batys Qazaqstanda jastar shtaby quryldy

Aımaqtar • Búgin, 16:23

Dollar qymbattady

Qarjy • Búgin, 15:55

Zeınetkerlerge avtonesıe berile me?

Qoǵam • Búgin, 12:18

Esirtki satatyn 655 saıt buǵattaldy

Qoǵam • Búgin, 12:09

Uqsas jańalyqtar