Taldyqorǵanda 300 oryndyq balabaqsha ashylyp, sábılermen olardyń ata-analary shadyman-shattyqqa bólendi. Negizi buryndary jekemenshikke ótip ketken balabaqsha ǵımaratyn Elbasy tapsyrmasyna sáıkes memleket menshigine 2012 jyly qaıtaryp, ony kúrdeli jóndeýden ótkizýge jergilikti bıýdjetten 469,7 mln. teńge bólinip, tolyq ıgerildi. «Qulynshaq» atyna ıe bolǵan balabaqshany Almaty oblysynyń ákimi Ańsar Musahanov ashyp: «Ár búldirshin qamqorlyq pen aıaly alaqan tabyn sezinip ósýi kerek. Bul týraly Memleket basshysy dástúrli Joldaýynda jan-jaqtyly aıtqany málim. Sondyqtan jetisýlyqtar mektepke deıingi bilim berýde de ózindik ornyn osylaı aıshyqtaı beredi», – dedi. «Balapan» memlekettik baǵdarlamasy aıasynda alǵashqy qadamyn basqan bóbekjaıǵa bul kúni kirgen jan razy bolyp tek alǵystaryn aǵytty. Endi she, tabaldyryqty attaǵannan taban taımaıtyn ornyqtylyq pen baspaldaqtan kóteriler jıekterdegi ustaǵyshtyń da qoljetimdiligi bala senimine ıe bolyp, ata-ana kóńilin ornyqtyrsa, qabyrǵalarǵa ilingen kartınalar sol balalardyń óz qoldarymen salǵandaı áserge bóleıdi. Tizbeleı berseńiz balalar qajettiliginiń barlyǵy tabylyp, ozyq oıdyń qaınar kózi ashylǵandaı tánti etetini taǵy bar.
Taldyqorǵanda 300 oryndyq balabaqsha ashylyp, sábılermen olardyń ata-analary shadyman-shattyqqa bólendi. Negizi buryndary jekemenshikke ótip ketken balabaqsha ǵımaratyn Elbasy tapsyrmasyna sáıkes memleket menshigine 2012 jyly qaıtaryp, ony kúrdeli jóndeýden ótkizýge jergilikti bıýdjetten 469,7 mln. teńge bólinip, tolyq ıgerildi. «Qulynshaq» atyna ıe bolǵan balabaqshany Almaty oblysynyń ákimi Ańsar Musahanov ashyp: «Ár búldirshin qamqorlyq pen aıaly alaqan tabyn sezinip ósýi kerek. Bul týraly Memleket basshysy dástúrli Joldaýynda jan-jaqtyly aıtqany málim. Sondyqtan jetisýlyqtar mektepke deıingi bilim berýde de ózindik ornyn osylaı aıshyqtaı beredi», – dedi. «Balapan» memlekettik baǵdarlamasy aıasynda alǵashqy qadamyn basqan bóbekjaıǵa bul kúni kirgen jan razy bolyp tek alǵystaryn aǵytty. Endi she, tabaldyryqty attaǵannan taban taımaıtyn ornyqtylyq pen baspaldaqtan kóteriler jıekterdegi ustaǵyshtyń da qoljetimdiligi bala senimine ıe bolyp, ata-ana kóńilin ornyqtyrsa, qabyrǵalarǵa ilingen kartınalar sol balalardyń óz qoldarymen salǵandaı áserge bóleıdi. Tizbeleı berseńiz balalar qajettiliginiń barlyǵy tabylyp, ozyq oıdyń qaınar kózi ashylǵandaı tánti etetini taǵy bar.
Osy tusta aıta keter bir jaıt, túrli sebeppen keıbir balalar aǵzasynda júre paıda bolyp, dárigerlik keńes pen áleýmettik qoldaý der kezinde kórsetilse túzelip ketetin (tipti bala balalyǵyna basyp erensizdikpen opyq jeıtin) kemshilikterdi joıatyn, ıaǵnı baıyppen beıimdeıtin arnaıy 60 oryndyq 4 top ashyldy.
Byltyrǵy jyly 32 balabaqsha paıdalanýǵa berilse sonyń ishinde 3 balabaqsha respýblıkalyq bıýdjet esebinen jańadan salyndy. Bıyl Jetisý jerinde 9 balabaqsha, 4 mektepke deıingi mekeme kúrdeli jóndeýden ótkizilip, 13 memlekettik-jekemenshik áriptestik aıasyndaǵy mekeme ashylady.
Nurbol ÁLDIBAEV,
«Egemen Qazaqstan».
Almaty oblysy.
