«Aq tizimge» kirý otandyq teńizshilerdiń kásibı dıplomdaryn halyqaralyq qoǵamdastyqtyń tanýyn qamtamasyz etip, DDVA Konvensııasyna qol qoıǵan barlyq memleketterde jumys isteýge múmkindik beredi.
HMU sarapshylary QR-nyń Ulybrıtanııadaǵy elshiligin elimizde teńiz bilimi, keme ekıpajy múshelerin dıplomdaý jáne medısınalyq tekserý, teńiz oqý-trenajer ortalyqtaryn kýálandyrýǵa jetkilikti ulttyq normatıvtik-quqyqtyq baza qalyptasqan degen qorytyndyǵa kelgenin habarlady.
Osyǵan baılanysty, 2021 jyldyń 4-8 qazan aralyǵynda Teńiz qaýipsizdigi jónindegi komıtettiń 104-shi otyrysy ótedi. Otyrys barysynda HTU Bas hatshysy Komıtet múshelerin Qazaqstannyń teńizshilerdi daıarlaý júıesiniń Konvensııa talaptaryna sáıkestigi týraly táýelsiz sarapshylardyń sheshimi týraly habardar etedi. Bul elimizdiń HTU-nyń «aq tizimine» engizilgenin resmı túrde rastaıdy.
Eske sala ketsek, 2012 jyly QBTÝ janynan halyqaralyq deńgeıdegi teńiz mamandaryn daıarlaıtyn Teńiz akademııasy ashyldy. Onda teńizshilerdi arnaıy qysqa kýrstar (teńizde aman qalý, kemedegi órtpen kúres, alǵashqy medısınalyq kómek kórsetý, kemedegi medısınalyq kútim jáne t.b.) boıynsha oqytatyn teńiz oqý-trenajer ortalyǵy quryldy.
QR IIDM 2019 jyldyń qarasha aıynda HTU-ǵa qazaqstandyq bilim berý júıesiniń sáıkestigin tanýǵa ótinim berdi. 2020 jyly qujattardy uıym komıssııasy qarady. Onda jeke normatıvtik aktiler men oqý baǵdarlamalaryn pysyqtaý qajettiligi kórsetilgen. 2021 jylǵy 15 shildede QR IIDM Halyqaralyq teńiz uıymy sarapshylarynyń barlyq eskertýlerin joıyp, 2019 jylǵy ótinimge qosymsha túsindirýler túrinde jańa qujattardy jiberip, tekserýden sátti ótti.
