Suhbat • 24 Qyrkúıek, 2021

«Qazaqstan - bizdiń mańyzdy seriktesimiz» - Chjan Sıngo, SEO Huawei Technologies Kazakhstan

259 ret kórsetildi

Aqparattyq-kommýnıkasııalyq ındýstrııanyń, bultty tehnologııalar men jasandy ıntellektiniń damýy álemdi sıfrlyq transformasııaǵa jeteleıdi. Bul ózgeristen Qazaqstan qur qalmaıdy. О́ıtkeni biz 5G tehnologııasyn iske qosý qarsańynda turmyz. Huawei Technologies Kazakhstan kompanııasynyń bas dırektory Chjan Sıngo jańa býyn jelisiniń qandaı ekenin jáne 5G iske qosylǵannan keıin álem qalaı ózgeretini jaıly aıtty.

- Chjan Sıngo myrza, Huawei Technologies Qazaqstanda nemen aınalysyp jatqanyn jáne ol ózin nege aqparattyq-kommýnıkasııalyq tehnologııalar (AKT) naryǵynda kóshbasshy sanaıtyny týraly aıtyp berińizshi.

- Bizdiń kompanııanyń Qazaqstan naryǵynda júrgenine 14 jyl boldy. Osy ýaqyt ishinde biz baılanys operatorlaryna, kásiporyndar men tutynýshylarǵa aqyldy qurylǵylardy, ınfraqurylymnyń ozyq sheshimderin, básekege qabiletti ónimder men servıster usyna otyryp, eldegi AKT-nyń damýyna úles qostyq. Bizdiń aıtyp otyrǵanymyz - bultty sheshimder, elektrmen jabdyqtaý jáne derekterdi saqtaý júıesi, besinshi býyn jelileri jáne taǵy basqalar.

Búgingi tańda HUAWEI keler urpaqqa birkelki jáne turaqty ıntegrasııany jetkizýge baǵyttalǵan birtutas sheshimder usynýǵa kóńil bólip otyr. Bul qoldanýshynyń ósip kele jatqan talaptaryna jáne Qazaqstannyń ulttyq strategııalaryna beıimdelý úshin kerek. Al eń bastysy - qarapaıym halyq ómirine sıfrlandyrý engizý. Oǵan qosa, biz Qazaqstandaǵy iri, orta jáne shaǵyn kompanııalardyń uzaqmerzimdi damýy negizin qalaı otyryp, bir-birimen tıimdi qarym-qatynas jasaýy jáne korporatıv jeliniń ártúrli talabyna beıimdelýi úshin barlyq deńgeıdegi kásiporynǵa qoldaý kórsetemiz.

2016 jyly HUAWEI ıntellektýal álem tujyrymdamasyn qalyptastyryp, búkil álemdegi seriktesterin ártaraptandyrylǵan jáne gúldengen ekojúıeni birge qurýǵa shaqyrdy. Biz qazirdiń ózinde 5G-ge qatysty 50 kelisimshartqa otyrdyq jáne 150 000-nan astam bazalyq stansııa qoıdyq. 5G kommersııalyq jelileri búkil álemde belsendi qoldanyla bastaǵanyna kýá bolyp otyrmyz. Jyl basynan beri Ońtústik Koreıa, Ulybrıtanııa, Shveısarııa, Italııa jáne Kýveıt sııaqty kóptegen el 5G jelilerin iske qosty - olardyń úshten ekisi HUAWEI tehnologııasy arqyly quryldy.

- Qazir ındýstrııada jańa býyn jelisin engizý belsendi túrde talqylanyp jatyr. 5G óziniń aldyńǵy nusqalaryna qaraǵanda nesimen jaqsy ekenin jáne onyń qandaı artyqshylyqtary baryn túsindirip berińizshi. 

- 5G men 2G, 3G, 4G arasyndaǵy negizgi aıyrmashylyqtardy úshinshi býyn seriktestik jobasynyń halyqaralyq hattamasynda belgilengen úsh baǵyt boıynsha túsindirýge bolady: keńeıtilgen mobıldi keńjolaqty baılanys, mashınadan mashınaǵa taralatyn jappaı baılanys jáne derekterdi jiberýde kidirisi tómen asa senimdi baılanys.

Birinshi býynnan tórtinshi býynǵa deıingi mobıldi tehnologııalar adamdar arasyndaǵy kommýnıkasııaǵa baǵyttalǵan, ıaǵnı mobıldi keńjolaqty baılanysqa negizidelgen. 5G dáýirinde «Barlyǵynyń ınternetin» paıdalaný úshin úshinshi býyn seriktestigi jobasyna jappaı mashınaaralyq baılanys pen derekterdi jiberýde kidirisi tómen asa senimdi baılanys qosyldy. Bastysy, adamdardy qurylǵylarǵa qosý ǵana emes, qurylǵylar arasyndaǵy baılanys mańyzdy. Qazirgi ýaqytta 4G jelisiniń syıymdylyǵy shekteýli, sondyqtan ol «Barlyǵynyń ınternetine» jaramaıdy. Al 5G jelisiniń syıymdylyǵynyń kúrt artýy «Barlyǵynyń ınternetin» engizýge jaǵdaı jasaıdy. 5G tehnologııasy arqasynda adamzat bári úshin mańyzdy symsyz jelilerdiń jańa dáýirin bastaıdy.

Baılanystyń 5G men aldyńǵy býyn arasyndaǵy eń basty aıyrmasy - 5G ótkizý qabiletin joǵarylatady jáne onyń kidirisi óte tómen. Osylaısha, 5G baılanysy búkil sala tiregine aınalatyn revolıýsııalyq ózgerister ákeledi.

5G artyqshylyǵyna keler bolsaq, eń bastysy - onyń ekonomıkanyń mańyzdy salalary damýyna serpin berý múmkindigi. Bolashaqta 5G ómirdegi barlyq salanyń ajyramas bóligine aınalady, biz bir mobaıl telefon arqyly ǵana qajet tapsyrmalardy oryndaı alamyz. Mysaly, tómen kidiris arqasynda 5G medısına máselelerin qashyqtan sheshýge kómektesedi, munaı men gaz óndirý kezinde tez áreket etýge múmkindik beredi jáne taǵy basqa. 

- Qazaqstanda 5G qashan iske qosylady?

- Qazaqstanda 5G jelisin jaqyn arada engizýge múmkindik týady dep úmittenemiz. Biraq meniń bilýimshe, úkimet jospary boıynsha, bıyl úsh iri qalada 5G pılot jobasy iske qosylady. Kommersııalyq jobanyń iske qosylýy kelesi jyly bastalady jáne 2 jyldyq qurylys kezeńinen keıin 5G tehnologııasyn Qazaqstanda 2023 jylǵa qaraı keńinen qoldaný múmkindigi paıda bolady.

- Huawei Technologies eldiń shalǵaı aımaqtaryn ınternetke qosýǵa qalaı atsalysady?

- Shalǵaıdaǵy aýdandardaǵy baılanys máselesin sheshý HUAWEI kózqarasyna saı keledi. О́ıtkeni biz baılanyspen tolyq qamtylǵan jáne ıntellektýal álem qurý úshin ár qoldanýshyǵa sıfrlyq aqparat jetkizýge umtylamyz. Sondyqtan Huawei Technologies kompanııasy Digital Qazaqstan baǵdarlamasyna belsendi qatysyp jatyr. Baǵdarlama aıasynda óńirlerdi baılanyspen qamtyp, keńjolaqty ınternetke kirý múmkindigi bar 250-den astam joba ázirlendi. Búgingi tańda 1000-nan astam bazalyq stansııa salyndy. Bul jobalar áli de turaqty túrde damyp jatyr. О́z tarapymyzdan Qazaqstanǵa joǵary sapaly qyzmet kórsetemiz. Adamnyń bári jappaı qol jetkize alatyn bazalyq keń jolaqty jeli qurýǵa, qyzmet kórsetý salasyndaǵy ártúrli ınnovasııany yntalandyrýǵa jáne jalpy AKT ındýstrııasyn damytýǵa kómektesemiz.

Bıyl Huawei Technologies kompanııasy «Qazaqtelekommen» birge Ortalyq Azııada birinshi, álemde alǵashqylardyń biri bolyp 2300 MGs dıapazonynda FWA-nyń tolyq bólingen jelisin iske qosty. FWA jelisin ornalastyrý úshin Qazaqtelekom FWA abonentterine arnalǵan jeli syıymdylyǵyn jáne bolashaqta birneshe tasymaldaýshyny biriktirý múmkindigin qamtamasyz etetin 4T4R bazalyq stansııalaryn paıdalandy. Bul jeli aýyl turǵyndaryna ınternetke symsyz qosylýǵa múmkindik beredi. Solaısha, sym tartý  jelileri joq jeke sektordy qamtý máselesin sheshedi. Qazirdiń ózinde Aqmola oblysyndaǵy Qosshy qalasynda pılot jelisi iske qosyldy.

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar