Oqıǵa • 21 Qyrkúıek, 2021

«Jer alyp beremin» degen alaıaq ustaldy

52 ret kórsetildi

«Jer alyp beremin» dep alaıaqtyq jasaǵan túrkistandyq ustaldy, dep habarlaıdy Egemen.kz Polisia.kz saıtyna silteme jasap.

Túrkistan QPB-ǵa jergilikti turǵyn aryzdanyp kelgen. Jábirlenýshiniń aıtýynsha, eski tanysy 2019 jyldyń shilde aıynda «Tanystarym bar. 10 sotyq jer alyp, zańdastyryp beremin» dep sendirip, alaıaqtyq jolmen 200 000 teńgesin jymqyrǵan. Alaıda bir jyldan astam ýaqyt ótse de ne jerin ala almaǵan, ne aqshasyn qaıtarmaǵan. Atalǵan jaıtty polısııa qyzmetkerleri APB-ǵa QR QK-niń 190-baby (Alaıaqtyq) boıynsha tirkedi. 

Qalalyq tájirıbeli polıseılerden qurylǵan jedel-tergeý toby jergilikti turǵyndy arbaýyna túsirgen alaıaqty ustaýǵa qajetti sharalardy jasady. Kýálardan jaýap alý barysynda, jınaqtalǵan aqparat kózderi arqyly kúdiktiniń jeke-basy anyqtalyp, ol Polısııa basqarmasyna jetkizildi.

Ustalǵan er adam jergilikti turǵyn bolyp shyqty. Sondaı-aq túrkistandyq polıseıler alaıaqtyq jolmen alynǵan aqshany óz qajettiligine jaratyp jibergenin anyqtady. Qazirgi tańda kúdiktige qatysty sotqa deıingi tergeý amaldary júrgizilýde.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar