Qazaqstandyq delegasııany Aqparat jáne qoǵamdyq damý mınıstri Aıda Balaeva basqardy. Bul týraly Halyqaralyq Túrki akademııasynyń baspasóz qyzmeti habarlady.
Forým aıasynda birneshe shara uıymdastyryldy. Túrki keńesiniń jas kásipkerler forýmynda bylǵary sómkeler men ulttyq dástúrli brendterden batyl IT sheshimderge deıin túrli joba usynyldy. Qazaqstandyq qatysýshylar elektrondy kitaphana jobasyn tanystyrdy. Onyń kómegimen oqýlyq jetispeýshiligin sheshý týraly aıtty.
Kezdesý men Túrki keńesiniń birinshi IDEA jas kásipkerler forýmy qorytyndysy boıynsha mınıstrler yntymaqtastyq týraly memorandýmǵa qol qoıdy.
Sonymen qatar Túrki keńesi elderi arasyndaǵy Ýnıversıada Qazaqstanda ótetini belgili boldy. Al kóshpendiler oıyny kelesi jyldyń kúzinde túriktiń Býrsa qalasynda ótedi dep josparlanǵan.
Basqosýda Túrki keńesi elderi arasynda basketboldan birinshi týrnır ótkizý týraly usynys ta aıtyldy.
Aıta keteıik, alǵashqy túrki sporttyq oıyndary (Túrki Ýnıversıadasy) 2018 jyly Bakýde ótken bolatyn.
