Koronavırýs • 23 Qyrkúıek, 2021

Infeksııalyq bólimder jabylyp jatyr

18 ret kórsetildi

Pavlodar oblystyq epıdemıologııalyq-sanıtarlyq baqylaý departamentiniń málimetinshe, 19 qyrkúıektegi ahýal bo­ıyn­sha óńir indettiń taralý kórsetkishi boıynsha áli «qyzyl aı­maq­ta». Osy ýaqytqa deıin jalpy indet juqtyrǵan 44 254 naý­qas tirkelse, 41 173-i indetten jazylyp shyqqan. Biraq óńir­de epıdemııalyq ahýal turaqtalyp keledi.

– Qazirgi kezde aýrýhana­lar­da 968 naýqas emdelýde. Jansaqtaý bólimderinde 88 naý­qas jatyr. Jalpy, ın­fek­sııa­lyq emhananyń 45 paıyzynda naýqastar bar. Sońǵy kezde ınfeksııalyq oryn­dar­ǵa naýqastardyń túsý­iniń azaıýyna baılanysty qo­sym­sha ashyl­ǵan oryndar qys­qar­ty­l­ýda. Qazir barlyq aýdan­dyq aýrýhanalardaǵy, oblys or­talyǵyndaǵy ınfek­sııa­­­lyq bólimder de jabyldy, – dedi onlaın brıfıngte ob­lys­tyq densaýlyq saqtaý bas­qar­masynyń basshysy Aıdar Seıitqazınov.

Jalpy, emhanaǵa túsken naý­qas­tarǵa qajetti ottegi quryl­ǵy­lary jetkilikti, medısınalyq per­sonaldyń qajetti mólsheri bar. Emhanalardyń janynda 166 mobıldi brıgada, PTR dıagnostıkasyn júrgizýge ar­nalǵan 7 zerthana jumys is­teý­de. Táýligine orta eseppen 2 300 PTR qorytyndysy shy­ǵa­rylady.

Al Aqsý qalalyq aýrýha­na­synyń bas dárigeri Maqsat Muqashevtyń aıtýynsha, 3 117 adam indet juqtyrǵan bolsa, qazir 161 adam baqylaýda, aýrýha­na­da 86 adam emdelýde. Qala turǵyndarynyń 64 paıyzy vaksına qabyldaǵan. Sonymen birge, Aqsý ferroqorytpa zaýyty men Eýrazııalyq energetıkalyq korporasııanyń energetıkteri men jumysshylary ekpe qa­byl­dady. Zaýyttarda ekpe alý oryndary ashylǵan. Mysaly, Tereńkól aýdanynyń turǵyny, 93 jastaǵy Erǵalym Qapkenov «Spýtnık V» ekpesin alǵan.

– Úıde nemerelerim bar. Olardyń densaýlyǵy men úshin mańyzdy. Indetten ózimdi jáne týǵandarymdy qorǵaý úshin ekpe aldym. Turǵyndardy da ek­pe alýǵa shaqyramyn, – deıdi Erǵalym ata.

Oblystaǵy Maı aýdanynyń turǵyndary ujymdyq ımmý­nıtet­ti qalyptastyrýda úlgi bo­lýda. Búginde aýdan jurtshy­ly­ǵynyń 70 paıyzdan astamy qaýipti indetke qarsy ekpe alǵan. Aýdandyq ishki saıasat bóliminiń málimetinshe, ekpe salý kabınetteri úzilissiz ári de­malyssyz jumys isteıdi. Aýdanda densaýlyǵy ekpe alýǵa jaramdy 6 007 adamnyń 4 632-si egilgen. Egý bólimsheleri aýdan­­dyq aýrýhana men Qazan, Ma­laı­sary, Qaraterek aýyl­dyq aýmaqtarynda ashylǵan. A­q­shıman, Maıtúbek, Qara­te­rek, Aqjar, Malaısary, Saty aýylynyń turǵyndary bel­sen­dilik tanytyp, ekpe alýda. Demalys kúnderi jyljymaly ekpe egý kesheni jáne medı­sı­na­lyq qyzmetkerlerdiń kósh­pe­li brıgadalary jumys isteıdi.

Al Ýspen aýdanynda 700-den astam turǵyn ekpe alyp bolǵan soń aýdan ishinde ujymdyq ımmýnıtet qalyptasqan. О́ıtkeni óńir boıynsha ımmýndaýǵa jatatyn 7 079 adamnyń 6 365-i ­ekpe alyp úlgergen. Ýspen aýdanynyń 11 aýylynda ekpe alýǵa qarsy kórsetilimderi joq turǵyndardyń bári ekpe alǵan. Aýdan ákimi Nıkolaı Dychkonyń málimetinshe, aýdan aýmaǵynda jaýapty adamdar belgilengen. Eriktiler aýyl turǵyndaryna qońyraý shalyp, jergilikti qoǵamdastyq ókilderi jerlesterine vaksına alý qajettiligi týraly aıtyp beredi. Aýyl ákimderiniń WhatsApp jelisi arqyly habarlama taratýy jolǵa qoıylǵan.

Oblys emhanalaryna in­det­ke qarsy ekpeniń I kom­po­nen­ti boıynsha 362 785 jáne II kom­ponenti boıynsha 323 765 danasy jetkizilgen. Ob­lys­tyq den­saý­lyq saqtaý bas­qar­ma­sy­nyń málimetinshe, kúz mez­gilinde óńir turǵyndarynyń kem degende 60 paıyzy ekpe alyp, ujymdyq ımmýnıtetti qalyptastyrýy kerek. Biraq shilde men tamyz aı­larymen salystyrǵanda qa­­zir vaksına alýshylardyń  sany azaı­ǵan. Oblysta al­ǵash­qy ekpe qabyldaýdy 281 myń­nan astam adam alsa, ekinshi kom­po­nent­ti 250 myńnan astam adam qa­byl­daǵan kórinedi. О́ńir bo­ıynsha 450 myń adam alady dep josparlanǵan bolsa, búginde vaksınanyń I komponentin 64 paıyzy, II komponentin 55 pa­ıyzy qabyldapty. Qazirgi tańda oblys turǵyndaryna ekpeniń Spýtnık V, Qazvac, Vero Cell túrleri salynýda.

 

Pavlodar oblysy

 

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar