Aımaqtar • 23 Qyrkúıek, 2021

Jambyl oblysynda soda óndiretin zaýyt qurylysy bastaldy

20 ret kórsetildi

Bul - Indýstrııa 4.0 jańa ónerkásiptik qurylymy talaptaryna sáıkes salynyp jatqan Qazaqstandaǵy alǵashqy zaýyt, dep jazady Egemen.kz.

Ekologııalyq turǵydan taza kásiporyn bolady. «Kalsıılendirilgen soda óndirisi» dep atalatyn perspektıvalyq ınvestısııalyq joba Indýstrııalandyrý kartasyna engizilgen. Zaýyt túrik ınvestorlary – Yildirim Group kompanııasynyń qatysýymen iske asyrylýda.

QR Indýstrııa jáne ınfraqurylymdyq damý mınıstri Beıbit Atamqulov Jambyl oblysyna jumys sapary barysynda kalsıılendirilgen soda óndirisi boıynsha «Qazaq Soda» JShS zaýytynyń irgetasyn qalaý rásimine qatysty.

«Zaýyt iske qosylǵanda elimizdiń osy ónimge degen ishki qajettiligin tolyq qamtamasyz etip, shıkizat qaýipsizdigi men ımportty tolyq almastyrýdan bastap, eksportqa baǵdarlanǵan zamanaýı kásiporyn qurýǵa deıingi kóptegen máselelerdi sheshedi. Sonymen qatar, oblysta jańa turaqty jumys oryndary ashylyp, bıýdjetke salyq túsedi», dep atap ótti Beıbit Atamqulov.

Jobanyń negizgi erekshelikteri: kalsıılendirilgen soda óndirisi kezinde qaldyqtardy kádege jaratý prosesin jetildirýge baılanysty bes patent; dıstıllıasııalyq shlamnan janama ónimder óndirý (jylyna 500 000 tonna shıki CaCl2 jáne jylyna 100 000 tonna NaCl); kásiporynǵa jaqyn mańda - Sarysý aýdanynda joǵary sapaly áktas pen tas tuzynyń edáýir qorynyń bar ekeni.

О́nimniń negizgi tutynýshylary: «Qazaqstan alıýmınııi» AQ, «Aqtóbe hrom qosylystary zaýyty» JShS, «Qazfosfat» JShS, «Qazmyrysh» JShS sııaqty elimizdiń iri kásiporyndary.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar