Elorda • 23 Qyrkúıek, 2021

Elordadaǵy egý pýnktteri jabyla bastady

19 ret kórsetildi

Nur-Sultandaǵy Mega Silk Way saýda ortalyǵynda qala turǵyndaryn koronavırýsqa qarsy vaksınalaýǵa uıymdastyrylǵan egý pýnkti jabyldy, dep habarlaıdy Egemen.kz.

Egý pýnkti muz aıdyny aýmaǵynda, birinshi qabatta ornalasqan. Nur-Sultan qalasy ákimdiginiń ishki saıasat bólimi málimetinshe, saýda jáne oıyn-saýyq ortalyǵynda jóndeý jumystary aıaqtalǵan soń, muz aıdyny qaıtadan jumysyn bastaıdy.

«Qazirgi ýaqytta qala turǵyndarynyń 66 paıyzdan astamy vaksınanyń birinshi komponentin aldy. Vaksınasııa sizdiń densaýlyǵyńyz ben jaqyndaryńyzdyń da densaýlyǵyn qorǵaıdy.

Qazirgi ýaqytta qala boıynsha saýda ortaqytary jáne saýda úıinde 5 vaksınasııa pýnkti ornalasqan. Olar: «Kerýen» SOO, «Han Shatyr», «Azııa Park», «Abý Dabı Plaza» jáne «Evrazııa» SOO. Vaksınasııa pýnktteri medısınalyq mekemelerde de ornalasqan. Barlyǵy 84 vaksınasııa pýnkti bar. Sondaı-aq eńbek ujymdaryn vaksınasııalaý úshin kóshpeli brıgadalar da jumys isteıdi», delingen habarlamada.

Áleýmettik jelilerde Mega Silk Way saýda jáne oıyn-saýyq ortalyǵy ókilderi ekpe pýnktin keıinirek basqa jerden ashýdy josparlap otyrǵany aıtyldy. Alaıda ashylý kúni men orny áli belgisiz.

Densaýlyq saqtaý basqarmasyn baspasóz qyzmetiniń málimetinshe, Mega Silk Way-de birinshi komponentti saldyrǵan turǵyndar ekinshi komponentti saýda ortalyǵyndaǵy nemese kez kelgen ashyq ekpe pýnktterinen ala alady.

«Biz, árıne, turǵyndarǵa birinshi dozany qaıda alsa, ekinshi dozany da sol jerden alýǵa keńes beremiz. Biraq bul jaǵdaıda jáne basqa jaǵdaıda, bul mańyzdy emes», dedi baspasóz qyzmeti.

Sońǵy jańalyqtar

Instagram balalar qaýipsizdigin kúsheıtedi

Mýltımedıa • Búgin, 17:32

Bapker: Konor jekpe-jekti saǵynyp júr

Jekpe-jek • Búgin, 15:53

Aqyly joldarda qandaı jeńildikter bar?

Aımaqtar • Búgin, 15:22

Jańa salmaq jańa múmkindik pe?

Boks • Búgin, 12:07

Uqsas jańalyqtar