Depýtattar aýyldyq eldi mekenderge medısına mamandaryn tartýǵa birqatar jumystar jasalǵanyna qaramastan, oblystarda, sonyń ishinde shalǵaı aýdandarda keıbir dáriger mamandar áli de jetispeı jatqanyn jetkizdi.
«Mysaly, kez kelgen medısınalyq otalarda óte qajetti anestezıolog-reanımatolog, sol sııaqty ınfeksıonıst, travmatolog, pýlmanolog, endokrınolog sııaqty mamandar kóptegen aýdandarda jetispeıdi. COVID-19 sııaqty aýyr naýqastan jazylǵan adamdarǵa reabılıtolog qajet. Ol múldem joqtyń qasy. Olardy aıtpaǵanda, akýsher-gınekolog, hırýrg, ftızıator sııaqty mamandar da jetispeıdi. Alys aýdandarda osyndaı kadr jetispeýine baılanysty ózderine kelip túsken aýrýlardy sanıtarlyq-avıasııa shaqyrtyp, oblys ortalyqtaryna jiberýdi jıiletken. Bunyń bárine bıýdjetten qarajat qajet», dedi depýtattar.
Depýtattardyń aıtýynsha, bul elimizdiń barlyq oblysyna tán problema. Mysaly, Atyraý oblysy boıynsha barlyǵy - 219, onyń ishinde aýyldyq jerlerge 63 maman jetispese, Mańǵystaý oblysy boıynsha barlyǵy - 221, Batys Qazaqstan oblysynda barlyǵy 267 maman jetispeıdi.
Jaǵdaıdyń bulaısha ýshyǵýyna grant boıynsha oqyǵan medısınalyq JOO keıbir túlekteriniń mindetti bólý ádisine baǵynbaı, ózderi bólingen jumys ornyna barmaı qalýlary sebep bolyp otyr. Sonymen qatar, medısınalyq joǵary oqý oryndary úshin bólinetin grant sany túsiniksiz sebeptermen 2020 jyly azaıyp
ketken (2019 j-4685, 2020 j-4638 grant).
Depýttarttar osy máselelerdi eskere kele, «Nur Otan» partııasynyń 2025 jylǵa deıingi saılaýaldy
baǵdarlamasy Jol kartasynyń oryndalýyna sáıkes, 2021 jyldan bastap medısınalyq joǵary oqý oryndaryna grant sanyn ulǵaıtýdy utymdy paıdalanyp, kadr jetispeý máselesin sheshýdi, sondaı-aq grantpen oqyǵan túlekterdiń ózderi bólingen jumys ornyna sebepsiz barmaı qalýyn toqtatýdy surady. Sonymen qatar medısına mamany jetispeıtin aımaqtarda kvota sanyn kóbeıtýdi, aýyldyq eldi mekenderdegi jalpy praktıka dárigerlerin biliktilik arttyrý kýrsyna jiberý arqyly aýyldyq jerge qajet dárigerlerdi tartýǵa múmkinshilik qarastyrýdy surady.
