Qazaqstan • 23 Qyrkúıek, 2021

Birqatar el azamattary Qazaqstanǵa vızasyz kire almaıdy

55 ret kórsetildi

Kóship kelýshilerdiń Qazaqstanǵa kelýiniń (ketýiniń) jáne olardyń elde bolýynyń keıbir máseleleri týraly QR Úkimeti qaýlysynyń jobasy ázirlendi, dep jazady Egemen.kz.

 

«Qazaqstan Respýblıkasy Úkimetiniń 2012 jylǵy 21 qańtardaǵy №148 qaýlysymen bekitilgen kóship kelýshilerdiń Qazaqstan Respýblıkasyna kelýiniń  jáne onda bolýynyń, sondaı-aq olardyń Qazaqstan Respýblıkasynan ketýi  qaǵıdalardyń 17-tarmaǵynyń qoldanylýy 2021 jylǵy 31 jeltoqsandaǵy saǵat 23:59 deıin kelesi elderdiń azamattary úshin toqtatyla tursyn:

Aýstralııa Odaǵy, Amerıka Qurama Shtattary, Aýstrııa Respýblıkasy, Bolgarııa Respýblıkasy, Vatıkan Qasıetti Taǵy, Vetnam Sosıalıstik Respýblıkasy, Grek Respýblıkasy, Jańa Zelandııa, Izraıl Memleketi, Irlandııa Respýblıkasy, Indonezııa Respýblıkasy, Kolýmbııa Respýblıkasy, Latvııa Respýblıkasy, Lıtva Respýblıkasy, Malaızııan, Meksıka Qurama Shtattary, Norvegııa Koroldigi, Oman Sultandyǵy, Rýmynııa, Slovenııa Respýblıkasy, Taıland Koroldigi, Túrkııa Respýblıkasy, Ulybrıtanııa men Soltústik Irlandııa Qurama Koroldigi, Fılıppınder Respýblıkasy, Horvatııa Respýblıkasy, Shveısarııa Konfederasııasy, Estonııa Respýblıkasy», dep jazylǵan qujatta.

О́zgeris 2021 jylǵy 21 qyrkúıektegi Qazaqstan Respýblıkasynyń aýmaǵynda koronavırýstyq ınfeksııanyń paıda bolýy men taralýyna jol bermeý jónindegi vedomstvoaralyq komıssııanyń (budan ári – VAK) hattamalyq sheshimin júzege asyrý maqsatynda usynylady.

«Osylaısha, VAK sheshimimen 30 memlekettiń sheteldik azamattary úshin vızasyz rejımdi qalpyna keltirý maquldandy: Italııa, Nıderlandy, Fransııa, Germanııa, Ispanııa, Japonııa, BAÁ, Saýd Arabııasy, Kýveıt, Polsha, Danııa, Chılı, Vengrııa, Koreıa, Chehııa, Bahreın, Katar, Monako, Kıpr, Islandııa, Fınlıandııa, Malta, Shvesııa, Portýgalııa, Lıhtenshteın, Slovakııa, Lıýksembýrg, Kanada, Sıngapýr, Belgııa», dep jazylǵan qujatta.                                                                                                  

Sońǵy jańalyqtar

Uqsas jańalyqtar