Biryńǵaı aqparattyq júıe lısenzııasynan aıyrylǵan bankter salymshylary tizilimderin biriktiredi. Bul salymshyǵa lısenzııasynan aıyrylǵan (taratylyp jatqan) barlyq banktegi depozıtter boıynsha tólenýge jatatyn kepildik berilgen ótem somalaryn tekserýge jáne osy boıynsha bir ótinishpen ótem alýǵa jol ashady. Sonymen qatar salymshy júıedegi jeke kabınet arqyly ótinishiniń oryndalý mártebesin óz betimen qadaǵalaý múmkindigine ıe bolady.
Kepildik berilgen ótemdi tólemderdiń elektrondy portaly arqyly alýǵa shottardyń, kartochkalar men depozıtterdiń ıeleri ǵana ótinish bere alady. О́tinish elektrondy sıfrly qoltańbanyń kómegimen beriledi. Odan ári beıne jáne SMS-kod arqyly qos faktorly bıometrııalyq sáıkestendirýden ótý qajet. Bul rette SMS-kodty alý úshin salymshylardyń uıaly telefondary mobıldi azamattar bazasynda tirkelgen bolýy kerek. Tolyq nusqaýlyq portalda qoljetimdi.
Salymshylardan onlaın ótinishter qabyldaý kezeń-kezeńmen júzege asyrylady. Qazirgi ýaqytta jańa servısti «Qazınvestbank» AQ, «Eksımbank Qazaqstan» AQ salymshylary paıdalana alady.
«Qazınvestbank» AQ jáne «Eksımbank Qazaqstan» AQ salymshylarynyń senimhat boıynsha ókilderi, muragerleri jáne ózge de quqyq ıelenýshileri ótem alý úshin jazbasha ótinishti QDKBQ-ǵa tapsyrady.
Barlyq bank operasııalaryn júrgizý lısenzııasynan aıyrylǵan: «Delta Bank» AQ, «Qazaq Banki» AQ, «Tengri Bank» AQ, «AsiaCredit Bank (AzııaKredıt Bank)» AQ, «Capital Bank Kazakhstan» AQ jáne «Astana Banki» AQ salymshylary úshin ótinishti tólemderdiń elektrondy portaly arqyly berý múmkindigi aldaǵy ýaqytta qoljetimdi bolady.
«Valıýt-Tranzıt Bank» AQ salymshylary kepildik berilgen ótemdi alý úshin Qorǵa nemese banktiń taratý komıssııasyna myna mekenjaı boıynsha júgine alady: Qaraǵandy q., Buqar jyraý dańǵyly, 51/4, telefon:
8 (721) 299-64-05 (12).
Salymshylar tólemderdiń elektrondy portalynyń jumysy boıynsha ózderiniń eskertýleri men usynystaryn kdif@kdif.kz elektrondy poshtasyna jibere alady. Qor osylaısha belsendilik tanytqan salymshylarǵa rızashylyǵyn bildiredi.
