Qazaqstan bul tizimde 6 orynǵa turaqtaǵan. Bizdiń elden keıin Túrkııadan jyljymaıtyn múlik satyp alýǵa suranys Germanııa, Kýveıt memleketterinde joǵary ekendigi anyqtaldy.
Qazaqstandyqtar 2021 jyldyń qańtarynan tamyz aıyn qosa alǵanda Túrkııada 1112 páter satyp alǵan. Bul kórsetkish byltyrǵy jylǵy derekterge jete qabyl. El turǵyndary 2020 jyly Túrkııadan 1171 páter satyp alǵan.
Túrkııadan páter alýǵa qyzyǵýshylyq, ásirese, jaz aılarynda artqanyn myna derekterden ańǵarýǵa bolady: qańtar (69 páter), aqpan (119), naýryz (166), sáýir (188), mamyr (80), maýsym (165), shilde (166) jáne tamyz (176).
Irak 2021 jyly túrik jyljymaıtyn múligin satyp alý boıynsha sheteldikter arasynda birinshi orynda. Bul eldiń turǵyndary 4631 páter satyp alǵan.
Túrkııa Statıstıka ınstıtýtynyń 2021 jyldyń sáýir aıyndaǵy statıstıkasyna súıensek, qazaqstandyqtar sheteldikter arasynda túrik jyljymaıtyn múligin satyp alý sany boıynsha toǵyzynshy orynda.
