Mańǵystaý oblysynyń Beıneý aýdanyn shańdy daýyl basty. Tabıǵattyń tosyn minezinen oqýshylardyń sabaǵy onlaın boldy, al júrgizýshilerge jolda saq bolý kerektigi eskertildi.
Bul týraly aýdan ákimdiginiń resmı saıty habarlady.
Aýa raıynyń kúrt nasharlaýy saldarynan kúndizgi aýysymda oqıtyn 8451 oqýshy mektepke bara almady.
«Mektep oqýshylarynyń sabaǵy onlaın formatqa aýystyryldy. Oqýshylardyń úıden shyqpaýyn qadaǵalaýyńyzdy suraımyz. Qolaısyz aýa raıyna baılanysty aýdan aýmaǵy arqyly ótetin respýblıkalyq mańyzy bar avtojoldarda polısııa ekıpajy kúsheıtilgen jumys rejımine aýysty», dedi Beıneý aýdanynyń ákimdigi.
