Aıtýly týrnır WTA Tour serııasyna jatatyndyqtan oǵan tek álemdegi «TOP-100» oıynshylar ǵana qatysa alady. Al qalǵandary irikteý synyna ótýge tıis. Negizgi básekege joldama alý úshin birneshe qazaqstandyq tennısshiler baq synady. О́kinishke qaraı, olardyń bireýiniń de joly bolmady. Atap aıtsaq, Tatıana Nıkolenko Natalıa Vıhlıansevaǵa, Gozal Aınıtdınova belarýssııalyq Iýlıı Gotovkoǵa, Sofııa Chýrsına polshalyq Ýrsýla Radvanskaǵa, Dana Baıdáýlet ulybrıtanııalyq Ketı Býlterge jáne Ekaterına Dmıtrıchenko ýkraınalyq Valerıı Strahovaǵa ese jiberdi.
Jarystyń negizgi bóliginde Qazaqstannyń tórt tennısshisi kúsh synasý qurmetine ıe boldy. Keshe Iýlııa Pýtınseva grýzııalyq Ekaterına Gorgodzemen oınasa, Anna Danılına fransııalyq Krıstına Mladenovıchpen saıysqa tústi. Jibek Kulambaeva belgııalyq Elıson Van Eıtvankke qarsy shyqsa, Zarına Dıas irikteý synynda top jarǵan oıynshylardyń birimen sheberlik baıqasady.
Aldaǵy kúnderi Astana Open týrnırinde joǵaryda esimderi atalǵandardan bólek, chehııalyq Krıstına Plıshkova, aýstralııalyq Arına Radıonova, belgııalyq Grete Mınnen, horvatııalyq Ana Konıýh, belarýssııalyq Vera Lapko syndy esimi sport súıer qaýymǵa jaqsy tanys oıynshylar kortqa shyǵady.
