Qoǵam • 27 Qyrkúıek, 2021

Medıaǵa degen jaýapkershilik kún sanap artyp keledi – Aıda Balaeva

21 ret kórsetildi

Jahandyq synaqtarǵa laıyqty jaýap berý úshin medıaǵa degen jaýapkershilik kún sanap artyp keledi. Bul týraly «Astana Media Week – 2021» medıa aptalyǵyn ashqan QR Aqparat jáne qoǵamdyq damý mınıstri Aıda Balaeva aıtty, dep habarlaıdy Egemen.kz.

«Bıyl besinshi ret ótip otyrǵan Astana Media Week aptalyǵyna hosh keldińizder! Jyl saıyn ótetin aqparat aptalyǵy – álemdik medıa úzdikteriniń pikir almasyp, tájirıbe bólisetin dástúrli dıalog alańyna aınaldy. Búgingi zaman – damyǵan aqparat dáýiri. Sondyqtan, jahandyq synaqtarǵa laıyqty jaýap berý úshin medıaǵa degen jaýapkershilik kún sanap artyp keledi. Sebebi búgingi qoǵamnyń aqparat alýǵa degen suranysy da, talǵamy da ózgerdi. Bul óz kezeginde, únemi úzdikter qatarynan kórinip, básekege qabiletti bolýdy talap etetini daýsyz. Bul medıa aptalyqtyń ataýy – «Faktiler men emosııalar». Sońǵy 1,5 jyldyń ishinde adamzatqa emosıalyq qysym kúsheıdi. Aqparatpen birge beriletin qyzbalyq ony qabyldaý áserin birneshe márte kúsheıtedi. Sonymen qatar feıkter men ınfodemııanyń qazirgi áleminde myqty, tekserilgen fakti jýrnalıstiń kásibıliginiń negizgi belgisi sanalady. Qoǵamymyz betpe-bet kelgen qıyndyqtarǵa qaramastan biz sheksiz múmkindikter dáýirinde ómir súrip jatqanymyzǵa nyq senimdimin», dedi mınıstr.

Sonymen qatar ol pandemııa kezindegi jýrnalıstıkanyń aıryqsha mıssııasyn, onyń eldegi turaqtylyqty saqtaýdaǵy, senimdi ári túpkilikti aqparatpen qamtamasyz etýdegi rólin erekshe atap ótti.

«Osynaý eki kúnde bizdi onlaın jáne oflaın alańdardaǵy is-sharalar kútip tur. Biz júzbe-júz jáne qashyqtan áńgimelesý basymdyqtaryn biriktirdik. Nıet tanytqan barlyq adam is-sharalardy onlaın-translıasııadan kóre alady. Medıa aptalyqtyń jumysyna álemdik bedeldi BAQ-tyń top-menedjerleri, memlekettik apparat ókilderi, AQSh, Ulybrıtanııa, Reseı, Qazaqstan, О́zbekstan, Qyrǵyzstannan tanymal jýrnalıster, dokýmentalıster jáne blogerler qatysady», dedi ol.

Mınıstr «Astana Media Week» álemdik medıadaǵy maqsaty – ortaq, baǵyty – bir, kásibı mamandardy bir arnaǵa toǵystyratyn biregeı joba ekendigin basa aıtty. «Eń bastysy – osyndaı ortaq alańdarda ózara jaqyn tanysyp, paıdaly keńester tyńdaýǵa múmkindik alý – medıa salanyń nátıjeli damýyna tyń serpin beredi dep senemin! Barshańyzǵa jemisti de nátıjeli jumys tileımin!», dedi Aıda Balaeva.

Sońǵy jańalyqtar

Ekibastuz qalasynyń ákimi taǵaıyndaldy

Taǵaıyndaý • Búgin, 16:42

Mal dárigerleriniń jalaqysy ósedi

Qazaqstan • Búgin, 16:27

Dollar qymbattady

Ekonomıka • Búgin, 16:15

Elordada Astana Open týrnıri ótedi

Tennıs • Búgin, 14:01

Kúzde aýa raıy qandaı bolady

Aýa raıy • Búgin, 13:33

Ulttyq qorǵa 3,4 trln teńge tústi

Qarjy • Búgin, 12:54

Uqsas jańalyqtar