Áskerı tilshilerdi «Egemen Qazaqstan» respýblıkalyq gazeti» aksıonerlik qoǵamy Basqarma tóraǵasynyń orynbasary Aıbyn Shaǵalaq qarsy alyp, gazettiń damý josparymen tanystyrdy. Sonymen birge 60 jyldan beri ishki ásker tynysy men jańalyqtarynyń jarshysy bola bilgen gazetti mereıtoıymen quttyqtady.
Áskerı tilshilerdi bastap kelgen «Qalqan» gazetiniń bas redaktory Rýslan Turǵynbaıuly «Egemen Qazaqstan» gazetiniń betinde arnaıy aıdar arqyly el qorǵanysyn kórsetip, áskerge shaqyrý isinde birlese tárbıelik jumys atqarý boıynsha usynys jasady. Rýslan Turǵynbaıuly eldegi JOO oryndarynda áskerı taqyrypta qalam terbeıtin maman daıyndalmaıtynyn, osy olqylyqtyń ornyn toltyrý maqsatynda L.N.Gýmılev atyndaǵy Eýrazııa Ulttyq ýnıversıtetimen memorandým jasalǵanyn jetkizdi. «Qalqan» gazetiniń quramyndaǵy aımaq tilshileri Egemen.kz saıtynda avtorlyq materıaldaryn jarııalaýǵa yntaly ekenin de bildirdi.
Basqarma tóraǵasynyń orynbasary Aıbyn Shaǵalaq óz kezeginde, «Egemendikterdiń» tájirıbe almasýǵa ashyq, áriptestik-baılanys ornatýǵa daıyn ekenin aıtty.
Bas qosý sońynda qos tarap ta arnaıy estelik syılyqtar tabystady.
Eske salaıyq, bıyl Qazaqstan Respýblıkasy IIM Ishki Áskerleriniń «Qalqan» gazetine 60 jyl toldy.
