2021 jyly «Bolashaq» baǵdarlamasy boıynsha oqýǵa 1055 stıpendııa bólindi. Onyń ishinde 445 stıpendııa magıstratýra, rezıdentýra jáne doktorantýra baǵdarlamalary boıynsha bólingen. 110 grant densaýlyq saqtaý, mádenıet, sport salasynyń qyzmetkerleri, pedagogtar, memlekettik qyzmetshiler, ınjener-tehnıkterge 5 sanat boıynsha taǵylymdamadan ótýge berilgen. QR Prezıdenti Qasym-Jomart Toqaevtyń «Ǵalymdar» taǵylymdamasy sanaty boıynsha Qazaqstan ǵalymdarynyń álemniń jetekshi ǵylymı ortalyqtarynda taǵylymdamadan ótýin qamtamasyz etý maqsatyndaǵy tapsyrmasyna sáıkes 500 stıpendııa berilip otyr.
«Osy jylǵa arnalǵan «Bolashaq» baǵdarlamasy boıynsha basym mamandyqtar tizbesinde akademııalyq oqýǵa arnalǵan 80 jáne taǵylymdamadan ótýge arnalǵan 137 mamandyq bar. Tizimge «Inklıýzıvti bilim berý», «Vırýsologııa», «Ýrbanıstıka», «Jańa materıaldar tehnologııasy» sııaqty ózekti mamandyqtar endi», dep atap ótti «Halyqaralyq baǵdarlamalar ortalyǵy» AQ prezıdenti Aınur Káribozova.
Esterińizge sala keteıik, 2021 jyly «Bolashaq» baǵdarlamasy boıynsha oqýǵa bolatyn sheteldik joǵary oqý oryndarynyń tizimine 27 eldiń 207 ýnıversıteti kirgen. Olar halyqaralyq akademııalyq reıtıngterdiń (QS, Times Higher Education (THE), Academic rankings of World Universities (ARWU) alǵashqy 250 pozısııasynda tur.
