Elorda • 28 Qyrkúıek, 2021

Elordada 100 kıberqylmysker ustaldy

34 ret kórsetildi

Nur-Sultan qalasy Polısııa departamentiniń kıberqylmyspen kúres bóliminiń basshysy Talǵat Bólegenov málim etkendeı, jyl basynan beri elordada ınternet alaıaqtyqtyń 3250 qylmysy anyqtaldy. Ustalǵan 100 adam 150 mln teńgege shyǵyn keltirgen, dep habarlaıdy Egemen.kz.

«Jyl basynan beri Nur-Sultan qalasy aýmaǵynda 3250 ınternet alaıaqtyq qylmysy tirkeldi. Bul ótken jylmen salystyrǵanda 135 paıyzǵa artyq. Internet alaıaqtyq ásirese pandemııa kezinde órshigeni baıqalady. Karantındik shekteýlerge baılanysty kóp adamdar ınternet qyzmettiń kómegine júgine bastady. Bizdiń departament tarapynan ınternet alaıaqtyqpen kúresý jolynda birqatar sharalar iske asyp jatyr. Sonyń biri atalǵan qylmys túrin zertteý jáne ashý boıynsha mamandandyrylǵan jedel tergeý toby quryldy. Nátıjesinde búginde elordada 100 ınternet alaıaq ustalyp, qylmystyq jaýapqa tartyldy. Olar jalpy somasy 150 mln teńgeniń shyǵynyn keltirdi, onyń 50 mln teńgesi zardap shegýshilerge qaıtaryldy. Ustalǵan 100 qylmyskerdiń 45-i buǵan deıin ınternet alaıaqtyq boıynsha jaýapqa tartylǵan bolyp shyqty», dedi Talǵat Bólegenov elordanyń Polısııa departamentinde ótken brıfıng barysynda.

Onyń aıtýynsha, elordada ınternet alaıaqtyqpen aınalysatyndardyń deni 20 men 35 jas aralyǵyndaǵy adamdar.

«Internet alaıaqtyqtyń aldyn alý men kúresýde mamandardyń biliktiligin arttyrý qarastyrylǵan. Bizdiń qyzmetkerler kıberqylmyspen kúresý boıynsha arnaıy oqý kýrsyn ótip otyrady. Sonymen qatar atalǵan qylmyspen kúreste BAQ arqyly da halyqty saq bolýǵa shaqyryp jatyrmyz. Odan bólek, bizdiń departament ınternet alaıaqtyq týraly arnaıy beınerolıkter ázirledi. Ol halyq jıi shoǵyrlanatyn jerlerde kórsetiletin bolady», deıdi ol.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar