«Kásibı kadrlardy qalyptastyrý jáne olardyń eńbegine laıyqty aqy tóleý arqyly halyqtyń áljýaz toptaryna usynylatyn qyzmetterdiń sapasyn qamtamasyz etý mańyzdy. Áleýmettik qyzmetkerler kásibiniń bedelin arttyrý jáne olardyń mártebesin taný maqsatynda mınıstrlik áleýmettik qorǵaý uıymdarynda jumys isteıtin basqarýshy jáne negizgi personaldardyń jalaqysyn kezeń-kezeńimen arttyryp jatyr», dep aıtty Albına Boranbaıqyzy.
Sondaı-aq ákimshilik, qosalqy personal qyzmetkerleriniń, stasıonar jáne jartylaı stasıonar, úıde qyzmet kórsetý, ýaqytsha bolý uıymdarynda jumys isteıtin qyzmetkerlerdiń jalaqysy qoldanystaǵy bazalyq laýazymdyq aılyqaqynyń 30%-yn laýazymdyq aılyqaqynyń 40%-yna ózgertý arqyly arttyryldy.
«Mysaly, joǵary bilimdi, ekinshi sanattaǵy 5-7 jyl eńbek ótili bar áleýmettik qyzmetkerdiń jalaqysy 2020 jyly 128 300 teńgeni qurasy, bıyl 189 000 teńgege deıin ósti. 2022 jyly 219 000 teńgeni, al 2023 jyly 250 000 teńgege deıin ósip, eki esege deıin ulǵaıady», dedi maman.
