06 Aqpan, 2014

Akterdiń túbine esirtki jetti

125 ret kórsetildi

Sharaına

shar1Nıý-Iork qalasynyń polısııasy akter Fılıp Seımýr Hoffmannyń ólimin tergeý isine qatysty úsh er adam men bir áıeldi tutqyndady. Quqyq qorǵaý organdary ókiliniń aıtýynsha, qamaýǵa alynǵandardyń mekenjaıyn tekserý kezinde geroın salynǵan 350 shaǵyn paket tabylǵan. 46 jastaǵy Hoffman osy jyldyń 2 aqpanynda geroındy mólsherden artyq qoldanǵany úshin qaıtys bolǵan edi. Onyń janynan, sondaı-aq, geroın salynǵan paketter de tabylypty. Akter, rasynda da, esirtkige táýeldi bolǵan kórinedi. Kezinde ol esirtkiden emdelipti de. Hoffman «Oskar» syılyǵyn alǵan «Kapote» kınofılmindegi róli úshin de tanymal.

Metropolıten salý nıetinde

shar2Túrkimenstan prezıdenti Gýrbangýly Berdymuhamedov el astanasy – Ashǵabadta metro salý múmkindigin taldaýdy usyndy. «Interfaks» agenttiginiń habarlaýynsha, osyndaı usynysty prezıdent ýkraınalyq «Interbýdmontaj» kompanııasyna bildirgen kórinedi. Kompanııanyń basqarma tóraǵasy V.Petrýk bul usynys jan-jaqty zertteletinin aıtqan eken. Mamandar tartylatyny, jobanyń qashan qolǵa alynatyny, oǵan qansha qarjy jumsalatyny jóninde aqparat joq. Mundaı másele buryn da kóterilgen bolatyn. Túrli sebeptermen ol júzege asyrylmady. Búginde el astanasy – Ashǵabadta 700 myńnan astam adam turady. Metropolıten kerek te sııaqty.

Mıllıarderlerdi sotqa berdi

shar3Reseı Federasııasy keńesiniń múshesi Leonıd Lebedev L.Blavatnık pen V.Vekselbergten 2 mıllıard dollar óndirý jóninde sotqa shaǵym túsirdi. Aryzdanýshynyń sózine qaraǵanda, bul mıllıarderler «Rosneftı» kompanııasyn satýdan qyrýar paıda tapqan. Buqaralyq aqparat quraldarynyń jazýynsha, munyń tórkini 1997 jyldan bastalady. Sol jyldary úsh kásipker atalǵan kompanııany birlese basqarǵan. Al L.Lebedev kompanııaǵa jalpy kólemi 25 mıllıon dollar quıǵan sııaqty. Biraq, mıllıarderler Lebedevtiń aksııalaryn qaıtaryp bermepti. Blavatnık pen Vekselberg kompanııany satý arqyly 27 mıllıard dollar paıda tapqan eken.

Otyz jeti jyldan soń ustaldy

shar4Osydan 37 jyl buryn Mıchıgan (AQSh) túrmesinen qashyp ketken qylmysker ustaldy. «Assosheıeıted press» agenttiginiń habarlaýynsha, ol San-Dıego qalasynda turyp kelipti. Djýda Lını Heımen esimdi qylmysker qazir 60 jasqa jýyqtapty. Quqyq qorǵaý organdarynyń qyzmetkerleri onyń úıine kelgende Djemı Lıýıstiń atyna berilgen qujatty kórsetken eken. Al ol túrmeden 1977 jyly qashyp ketken. Ony urlyq jasaǵany úshin 18 aıǵa bas bostandyǵynan aıyrǵan.

Elektr jaryǵynsyz qaldy

shar5Brazılııanyń on bir shtatynda energojúıeniń apatty jaǵdaıyna baılanysty eldiń 5,5 mıllıonnan astam turǵyny jaryqsyz qalǵan. «Reıter» aqparat agenttiginiń habar­­laýynsha, apatqa elektr jeli­­leriniń tuıyqtalýy sebep bolǵan. Energetıka mınıstrliginiń taratqan aqparattary boıynsha, elektr jaryǵynsyz qalǵandardyń arasynda osy jyldyń maýsymynda fýtboldan álem chempıonatyn qabyldaıtyn asa iri qalalar – San-Paýlý men Rıo-de-Janeıro da bar. Bul elde elektr energııasyna degen tapshylyq jaz aılarynda erekshe seziledi. О́ıtkeni, jaz maýsymynda sý deńgeıi edáýir tómendeıdi.

Soqqy jasaýdy ýaqytsha toqtatty

shar6Pákistan úkimetiniń ótinishi boıynsha, AQSh áskerleri osy el aýmaǵynda ushqyshsyz basqarylatyn ushaqtan soqqy berýdi ýaqytsha toqtatty. Aqparat kózderine qaraǵanda, bul «úzilis» Islamabadtyń «Talıban» qozǵalysymen kelissóz júrgizýi úshin qajet. Degenmen, AQSh áskerleri «Al-Kaıdanyń» sodyrlary nemese basshylary ornalasqan jerdi anyqtaǵan jaǵdaıda olarǵa qarsy áreketter qoldanylatynyn alǵa tartyp otyr. Pákistanda ushqyshsyz basqarylatyn ushaqtan soqqy berý operasııasy ótken jyldyń jeltoqsanynan beri qoldanylyp keledi. Osyndaı operasııa barysynda jergilikti «Talıban» qozǵalysynyń jetekshisi Hakımýlla Mehsýd óltirilgen bolatyn.

Otbasylar qaýysha ala ma?

shar7Ońtústik Koreıa men Soltústik Koreıa bir eldi eki memleketke bólgen 1950-1953 jyldardaǵy soǵysta bir-birlerinen ajyrap qalǵan otbasylardyń qaýyshýyn uıymdastyrýǵa kelisti. «Frans-press» aqparat agenttiginiń jazýyna qaraǵanda, atalǵan is-shara osy jyldyń 20-25 aqpanynda Soltústik Koreıanyń týrıstik Kymgansan aımaǵynda ótpek. Mundaı qaýyshý osydan úsh jyl buryn bolǵan edi. Saıasatkerler bul is-sharanyń bolmaı qalýyn da joqqa shyǵarmaıdy. Sebebi, Ońtústik Koreıa ústimizdegi jylǵy aqpan aıynyń sońynda AQSh-pen birlesip, áskerı jattyǵý ótkizýdi josparlap qoıǵan.

 Internet materıaldary negizinde ázirlendi.

Sońǵy jańalyqtar

Qarsylasyn 7 raýnd boıy sabady

Kásipqoı boks • Búgin, 10:32

Indonezııada jer silkindi

Álem • Búgin, 09:32

Úshinshi jeńilis

Jekpe-jek • Búgin, 09:02

Josparyn joqqa shyǵardy

Kásipqoı boks • Keshe

Kópirden sekirip ólmek boldy

Aımaqtar • Keshe

Úzdik ondyqta Golovkın joq

Kásipqoı boks • Keshe

Mektep oqýshysy mert boldy

Aımaqtar • Keshe

Jekpe-jeksiz ótken alǵashqy jyl

Kásipqoı boks • Keshe

Uqsas jańalyqtar