Budan basqa, QR Eńbek kodeksine TJ, TO jáne basqa da shekteý sharalary kezeńinde qyzmetkerlerdi qalypty jumys rejıminen qashyqtan jumys isteýge aýystyrý tártibin ońaılatatyn túzetýler engizildi. Sondaı-aq qyzmettiń ereksheligin eskere otyryp, qashyqtyqtan jáne ádettegi jumys kezektesetin aralas jumys rejımin paıdalaný múmkindikteri jaqsartyldy. Sonymen qatar, jumys berýshi men qyzmetkerdiń aralas jáne qashyqtan jumys rejımindegi quqyǵy men mindeti jáne basqa da birqatar ózgeris kórsetilgen.
Bul rette Eýrazııalyq ekonomıkalyq odaq týraly shartta qashyqtan eńbek etý úshin EAEO-ǵa múshe memlekettiń azamatyn qabyldaǵan jumys berýshi qaı eldiń zańnamasyn qoldanýy kerek ekenin retteıtin normalar joq.
«Osyǵan baılanysty, qazirgi ýaqytta Eýrazııalyq ekonomıkalyq ıntegrasııany damytýdyń 2025 jylǵa deıingi strategııalyq baǵytyn iske asyrý sheńberinde, jumys berýshi EAEO-ǵa múshe basqa memlekettiń aýmaǵynda tirkelgen jaǵdaıda, múshe memlekette jumystardy oryndaıtyn qyzmetkerlerdiń quqyqtyq jaǵdaıyn retteý qajettiligi týraly usynystar ázirlenedi», dep jazady Eńbek jáne halyqty áleýmettik qorǵaý mınıstrliginiń baspasóz qyzmeti.
