Aýrýhana bazasynda alǵash ret jasalǵan ota kezinde bilikti mamandar júrekke jińishke kateter jiberip, shashtyń qylyndaı ǵana qan tamyrdaǵy aqaýdy der kezinde anyqtady. Dárigerler júrek-qan tamyryndaǵy aqaýdy tolyq anyqtaıtyn koronagrafııa ədisin sátti iske asyrdy.
Koronarografııa mamandandyrylǵan operasııalyq bólmede rentgen sáýleleriniń baqylaýymen jasalady. Rentgende qan jáne onyń tamyrlardaǵy qozǵalysy kórinbeıdi, al rentgenkontrasty eritindi qanmen aralasyp tek qana ony kórsetpeı, búkil koronarlyq tamyrdyń ishki pishinin kórsetedi. Bul durys dıagnoz qoıýǵa múmkindik beredi.
«№2 aýrýhana bazasynda eki naýqasqa koronarografııa jasadyq. Naýqastardyń biri on jyl buryn júregine aorta koronarlyq shýnt otasy jasalyp, stent qoıǵan. Sol stent qoıǵannan keıingi tamyrdaǵy ózgeristerge naqty dıagnostıka jasadyq. Al ekinshi naýqastyń júrek yrǵaǵynyń buzylysy bolǵandyqtan júrek qan-tamyrlaryndaǵy patologııany anyqtaı aldyq. Nátıjesinde operasııalyq jolmen jasalǵan dıagnostıkalyq tekserýden keıin qos naýqasqa da konservatıvti emdeý taǵaıyndaldy. Aýrýhanada kardıologııa salasyn damytý úshin basqa da respýblıkalyq deńgeıdegi emdeý mekemesinen joǵary tájirıbeli mamandardy shaqyrttyq. Bilikti mamandar jasaqtalyp, qazir osy salany damytý jaǵyn myqtap qolǵa aldyq», deıdi Asqar Rahmatalıev.
Aıta ketsek, Shymkent qalalyq №2 aýrýhana - qaladaǵy kóp beıindi, básekege qabiletti uıym. Aýrýhana bazasynda ashylǵan kardıologııa bólimshesindegi tósek-oryn sany qazir 22-ge kóbeıtilgen. Buryn sozylmaly júrek aýrýyn ǵana emdeıtin ortalyq endi ózge de júrek dertterin emdep, kardıologııa baǵytynda kúrdeli otalar jasap jatyr.
