TOKYO2020 • 29 Qyrkúıek, 2021

UOK: Tokıo Olımpıadasyndaǵy sátsiz óner sebebi - koronavırýs

136 ret kórsetildi

Ulttyq Olımpıada komıtetiniń bas hatshysy Andreı Krıýkov qazaqstandyq sportshylardyń Tokıo Olımpıadasynda sátsiz óner kórsetýiniń sebebin túsindirdi, dep jazady Egemen.kz.

«Qazaqstandyq sportshylardyń Tokıo Olımpıadasynda sátsiz óner kórsetýiniń sebebi - koronavırýs pandemııasynyń saldary», dep málimdedi Ulttyq Olımpıada komıtetiniń bas hatshysy Andreı Krıýkov.

Onyń aıtýynsha, jattyqtyrýshylar shekteý jaǵdaıyna beıimdelýge, sheshimder izdeýge májbúr bolǵan, biraq, ókinishke qaraı, bul sportshylardyń daıyndyǵyna áser etti.

«О́zderińiz biletindeı, sportshylardy daıyndaý jospary tórt jyldyq sıklge arnalǵan, biraq pandemııa saldaryna baılanysty olar úzildi: 160-qa jýyq iri sporttyq jarys keıinge qaldyryldy nemese toqtatyldy, kóptegen sport túrinen jattyǵý 6-8 aıǵa úzildi», dedi Andreı Krıýkov.

Sonymen qatar ol Olımpıada qarsańynda jarystardyń bolmaýy sportshylardyń psıhologııalyq jaǵdaıyna keri áser etkenin aıtty.

«Tokıodaǵy jarystardyń nátıjesi kórsetkendeı, negizinen ulttyq birinshilikte báseke joǵary bolatyn elder ǵana jattyǵýdy elinde jasaı alady. Mysaly, AQSh-ta jeńil atletıka, gımnastıka, bokstan, Japonııada dzıýdodan básekelestik joǵary», dep túsindirdi Krıýkov.

Spıkerdiń aıtýynsha, taǵy bir sebep Azııa elderiniń oqshaýlanýy bolǵan. Eýropa sportshylarynda basqa elderge shyǵý, jarys kúntizbesin saqtaý múmkindigi bolǵan. «Bul olarǵa básekege qabiletti tájirıbe kólemin saqtaýǵa múmkindik berdi», deıdi Andreı Krıýkov.

Ol jattyǵýdyń ádetten tys jerlerde ótýi men básekelestiktiń az bolýy nátıjege áser etkenin aıtty. Bapkerler shtabynyń róli men boljamy da ról oınady.

Sońǵy jańalyqtar

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar