Brıfıngke QR Premer-Mınıstriniń orynbasary Roman Sklıar, Aýyl sharýashylyǵy mınıstri Erbol Qarashókeev, Indýstrııa jáne ınfraqurylymdyq damý mınıstri Beıbit Atamqulov jáne Energetıka mınıstri Maǵzum Myrzaǵalıev qatysty.
Ekonomıkany qalpyna keltirý jáne odan ári ósý traektorııasyna shyǵý úshin Prezıdenttiń tapsyrmasy boıynsha 2022 jyldyń sońyna deıin Qazaqstanda «Qarapaıym zattar ekonomıkasy» baǵdarlamasy sheńberinde shaǵyn jáne orta bıznesti qoldaý sharalary uzartyldy.
«Baǵdarlamany iske asyrýdyń 2,5 jylynda 787 mlrd teńge somasyna 3011 joba maquldandy. Atalǵan jobalardy iske asyrý ishki naryqty otandyq taýarlarmen tolyqtyrýǵa, óńdeý ónerkásibiniń básekege qabilettiligin yntalandyrýǵa, eń aldymen, halyq tutynatyn taýarlardyń aýqymdy nomenklatýrasyn shyǵarýǵa baǵyttalǵan», dep atap ótti R.Sklıar.
Barlyq jobany iske asyrýdyń arqasynda 35 myń jańa jumys orny qurylyp, salyq bazasy 100 mlrd teńgege ulǵaıady dep boljanyp otyr.
