MAQSAT – AShYQ ÚNQATYSÝ

Keshe  Qazaqstan Respýblıkasy Syrtqy ister mınıstrliginiń Erekshe tapsyrmalar jónindegi elshisi Má­dı­na Jarbosynovanyń tóraıym­dy­ǵy­men elimizdiń syrtqy saıasat vedom­stvosy janyndaǵy Eýropadaǵy qaýipsizdik jáne yn­tymaqtastyq uıymynyń Adam ólshemderi jónindegi konsýltatıvtik keńesiniń birinshi otyrysy bolyp ótti. Konsýltatıvtik keńestiń basty maqsaty Qazaqstan Respýblıka­sy­nyń 2010 jyldaǵy tóraǵalyǵy ba­rysynda adam ólshemderi jónindegi máselelerdi talqyǵa salý bolyp tabylady. Osy jóninde Erekshe tap­syrmalar jónindegi elshi, EQYU departamentiniń dırektory Serjan Ábdikárimov bylaı dedi: “Qazaqstan EQYU tóraǵasy retinde gýmanıtarlyq, sondaı-aq bizdiń Uıymymyzdyń barlyq úsh ólshem­de­rin teńdeı toltyrý sheńberinde óziniń áleýetin tolyq paıdalanýǵa um­tylatyn bolady”. Qoǵamdyq ómir­diń erekshe mańyzdy aspek­ti­lerin qamtyǵandyqtan, gýmanı­tar­lyq ólshemder máselelerine úkimet­tik emes uıymdar, azamattyq qoǵam men  jalpy qoǵam tarapynan aı­tar­lyqtaı kóńil bólinýde.  Kon­sýltatıvtik keńestiń qurylýy elimizdiń halyqaralyq sarapshylar qoǵamdastyǵymen jáne azamattyq qoǵam ınstıtýttarymen ashyq únqatysýǵa úlken mańyz berip otyrǵandyǵyn kórsetedi. Keńes quramyna memlekettik organdar ókilderi, “Bas redak­tor­lar klýby” QU, “Ádil sóz” sóz bos­tandyǵyn qorǵaý qory, Alma­tydaǵy Helsınkı komıteti, “Adam quqy úshin hartııasy” qoǵamdyq qory sııaqty qazaqstandyq úkimet­tik emes uıymdar, sondaı-aq gýma­nıtarlyq sebet máselelerine ma­mandanyp júrgen Germanııa, Esto­nııa, Nıderlandy, AQSh, Uly­brı­ta­nııanyń halyqaralyq sarap­shylary kirgen. Keńes músheleriniń aldynda josparlanyp qoıylǵan gýmanıtarlyq ólshemderge arnalǵan is-sharalar ótkizý jáne EQYU-daǵy qazaqstandyq tóraǵalyqtyń basymdyqtary máselelerin talqy­laý mindeti  turdy. Birinshi qosymsha keńes “Gen­derlik tepe-teńdikti alǵa jyljytý men saıası jáne qoǵamdyq ómirge áıelderdiń qatysýy” dep atalady. Ekinshi qosymsha keńes “Azshylyq ultqa jatatyn tulǵalardy oqytý: ıntegrasııa jáne teńdeı múm­kin­dikter”, sondaı-aq úshinshi qosym­sha keńes “Din jáne ar-ujdan erkindigi” dep bekitilipti. Budan basqa “Sot júıesi táýelsizdigin nyǵaıtý jáne qoǵamdastyqtyń sot ádildigine qoljetimdiligi” atty semınar ótkizý josparlanǵan eken. Gýmanıtarlyq ólshemder aýmaǵyn­da­ǵy mindetterdi oryndaý jónindegi keńes ótkizý de nazardan tys qal­maǵan. Ásirese, Kopengagen quja­ty­nyń qabyldanýyna 20 jyl to­lýyna oraı konferensııa men Kemsitýshilikti boldyrmaý jáne toleranttylyq jónindegi joǵary deńgeıli konferensııa ótkizý basty mindetterdiń birine aınalyp otyr. Sonymen qatar Konsýlta­tıvtik keńes sheńberinde BUU Adam quqyqtary jónindegi keńesiniń 2010 jylǵa arnalǵan ámbebap merzimdik sholýy barysynda Qazaqstan tarapyna usynylǵan 26 usynys, sonyń ishinde ulttyq baıandama da qaralatyn bolady. Asqar TURAPBAIULY.