«Qaıyrly tań, Grýzııa! 8 jyldan keıingi Grýzııadan» dep jazdy saıasatker Facebook-te.
Keıin Saakashvılı paraqshasynda vıdeohabarlama jarııalady. Ol óziniń Batýmıde ekenin aıtty.
Qyrkúıektiń basynda Grýzııanyń burynǵy Prezıdenti Mıhaıl Saakashvılı mýnısıpaldyq saılaý qarsańynda elge oralatynyn jarııalap, otandastaryn odan úlgi alýǵa shaqyrǵan bolatyn.
Mıhaıl Saakashvılı 2013 jyly Grýzııadan ketip, oǵan qarsy birqatar qylmystyq ister qozǵalǵan. Olardyń keıbirinde Saakashvılı syrttaı bas bostandyǵynan aıyrylǵan bolatyn. Grýzııa bıligi Saakashvılı Grýzııaǵa oralsa, ony ustaıtynyn birneshe ret málimdedi.
